Ponse en coñecemento das persoas interesadas na reestruturación parcelaria da zona de Briallos (Portas, Pontevedra), que con data do 2 de novembro de 2022, a directora xeral de Desenvolvemento Rural aprobou a resolución que a seguir se cita:

En cumprimento do establecido no artigo 35 da Lei 4/2015, do 17 de xuño, de mellora da estrutura territorial agraria de Galicia, unha vez revisada a documentación e os planos que o compoñen, polo presente acto apróbase o acordo de reestruturación parcelaria da zona de Briallos (Portas-Pontevedra).

Conforme o disposto no punto 3 do artigo 16 da antedita lei, queda disolta a Xunta Local da zona.

A Xefatura Provincial do Servizo de Infraestruturas Agrarias da Xefatura Territorial da Consellería do Medio Rural de Pontevedra disporá a súa notificación e publicación nos termos legalmente establecidos.

Contra esta resolución, que non pon fin á vía administrativa, as persoas interesadas poderán interpoñer recurso de alzada ante a persoa titular da Consellería do Medio Rural, dentro do prazo dun mes, contado desde o día seguinte ao da notificación persoal ou publicación substitutiva.

Pontevedra, 11 de novembro de 2022

María José Pérez Gil
Xefa do Servizo de Infraestruturas Agrarias de Pontevedra