Mediante o Acordo do Pleno do 6 de xuño de 2022 aprobouse definitivamente o Plan especial de dotacións e infraestruturas para o centro de día Sor Rosario Fernández Pereira, o que se publica para os efectos dos artigos 82 e 88 da Lei 2/2016, do 10 de febreiro, do solo de Galicia, e dos artigos 199 e 208 do seu regulamento.
O acordo literal é o seguinte:
«Primeiro. Prestar a aprobación definitiva ao Plan especial de dotación e infraestruturas para o centro de día Borreiros. Gardaría San José, redactado polo arquitecto Modesto Martínez Sienes, colexiado número 2162 do Colexio Oficial de Arquitectos de Galicia, e asinado con data 6 de maio de 2022 (constituído polos seguintes documentos: Documentos NNTTPP_ANEXO_6_FD, NNTTPP_ANEXO_7_FD e NNTTPP_ANEXO_9_FD con NRE 2022-E-RE-1357 e documento para aprobación definitiva PLAN ESPECIAL DOTACIONAL_Centro de día_DOC, presentado no Rexistro Xeral o día 6 de maio de 2022 con NRE 2022-E-RE-1431, composto de 49 páxinas e 13 planos...).
Segundo. Publicar o citado instrumento do plan, de acordo co disposto no artigo 82 da Lei 2/2016, do 10 de febreiro, do solo de Galicia, e concordantes do Decreto 143/2016, do 22 de setembro, que aproba o regulamento da citada lei, de modo que alcance a necesaria eficacia xurídica coa súa entrada en vigor.
Terceiro. Comunicar o acordo de aprobación definitiva, en virtude do artigo 88 da Lei 2/2016, do 10 de febreiro, do solo de Galicia, á consellería competente en materia de urbanismo, para a súa inscrición no Rexistro do Plan Urbanístico de Galicia, achegando un exemplar en soporte dixital, debidamente dilixenciado.
Cuarto. Notificarlles o presente acordo a todas as persoas titulares catastrais dos terreos afectados ás cales xa se lles notificou a aprobación inicial».
O contido íntegro do dito plan queda á disposición do público na sede electrónica do Concello de Gondomar: https://netcomsi.dyndns.org:5001/sharing/UrWKs7SmH
Contra o acordo de aprobación definitiva do citado plan especial, en aplicación do artigo 112.3 da Lei 39/2015, do 1 de outubro, do procedemento administrativo común das administracións públicas, e dado que se aproba unha disposición administrativa de carácter xeral, poderá interporse recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia (artigo 84.1 da Lei do solo de Galicia e artigo 201.1 do seu regulamento), no prazo de dous meses, contados a partir do día seguinte ao de publicación deste anuncio, de conformidade co disposto nos artigos 10 e 46 da Lei 29/1998, do 13 de xullo, da xurisdición contencioso-administrativa. Todo iso sen prexuízo de que se poida interpor calquera outro recurso que se entenda máis procedente e sexa conforme dereito.
Gondomar, 24 de outubro de 2022
O alcalde
P.D. (Resolución do 5.7.2019; BOP núm. 161, do 23 de agosto)
Iria Lamas Salgueiro
Concelleira de Urbanismo, Patrimonio, Vivenda e Contratación Pública
