En cumprimento do disposto no artigo 53 do Decreto 430/2001, do 18 de decembro, polo que se aproba o Regulamento do Rexistro de Cooperativas, faise público que esta secretaría xeral, o 25 de outubro de 2022, resolveu inscribir no Rexistro de Cooperativas o acordo de modificación do artigo 42 dos estatutos sociais, relativo ao capital social da entidade Costa Lucense, S. Coop. Galega, acordada na reunión da Asemblea Xeral do 22 de setembro de 2022. O novo capital social é de 99.720 €, o seu domicilio social é O Castelo, s/n, Cervo (Lugo) e a denominación social é Costa Lucense, S. Coop. Galega.
O obxecto social é a organización de servizos de transporte.
Santiago de Compostela, 31 de outubro de 2022
Covadonga Toca Carús
Secretaria xeral de Apoio ao Emprego, Traballo Autónomo
e Economía Social