De conformidade co artigo 41.3 da Lei 21/2013, do 9 de decembro, de avaliación ambiental (BOE núm. 296, do 11 de decembro), faise pública a declaración de impacto ambiental, formulada pola Dirección Xeral de Calidade Ambiental, Sostibilidade e Cambio Climático o 2 de novembro de 2022, do proxecto do parque eólico Meirama, nos concellos de Carral, Cerceda e Ordes (A Coruña), promovido por Naturgy Renovables, S.L.U.

A dita declaración poderase consultar na ligazón: https://cmatv.xunta.gal/resolucions-da-avaliacion-ambiental-de-proxectos e nas dependencias da Dirección Xeral de Calidade Ambiental, Sostibilidade e Cambio Climático, sitas en Santiago de Compostela (San Lázaro, s/n, planta baixa), e da Dirección Xeral de Planificación Enerxética e Recursos Naturais da Vicepresidencia Primeira e Consellería de Economía, Industria e Innovación (San Caetano, s/n, bloque 5, 4º andar, Santiago de Compostela).

Santiago de Compostela, 3 de novembro de 2022

A directora xeral de Calidade Ambiental, Sostibilidade e Cambio Climático
P. D. (Resolución 28.10.2022)
María del Mar Ferreiro Broz
Subdirectora xeral de Coordinación Ambiental