Para dar cumprimento ao disposto no artigo 44 da Lei 39/2015, do 1 de outubro, do procedemento administrativo común das administracións públicas, segundo o cal a publicación no Boletín Oficial del Estado resulta preceptiva «cando os interesados nun procedemento sexan descoñecidos, se ignore o lugar de notificación, ou ben, intentada esta, non se puidese efectuar…», mediante este anuncio infórmaselles ás persoas afectadas pola expropiación do acto de ocupación dos predios afectados e o requirimento das súas follas de valoración relativas aos bens e dereitos afectados pola instalación eléctrica que figura no anexo.

A data de ocupación será o 18 de novembro de 2022 e partir desa data poderán as persoas interesadas presentar a súa folla de valoración segundo o previsto no artigo 30 da Lei de expropiación forzosa.

As persoas interesadas poderán acudir á empresa UFD Distribución Electricidad, S.A., como beneficiaria da expropiación, para que lles facilite canta información precisen para coñeceren a afección sobre os predios, un posible acordo económico, ou a rectificación da titularidade ou do enderezo, de ser o caso, chamando ao teléfono 981 01 45 00, Departamento de Tramitacións da Delegación da Coruña.

A Coruña, 3 de novembro de 2022

Isidoro Martínez Arca
Xefe territorial da Coruña

ANEXO

Expediente: IN407A 2021/169-1.

Entidade beneficiaria: UFD Distribución Electricidad, S.A.

Denominación da instalación: LMT CT RBT Cubelas e Ribeira.

Concello: Vedra.

Nº de predio	Lugar	Titular	Data
2	Sarandón	Descoñecido	18.11.2022
26	Sarandón	Descoñecido	18.11.2022