Consonte o establecido no artigo 15 da Lei 1/2016, do 18 de xaneiro, de transparencia e bo goberno (Diario Oficial de Galicia núm. 30, do 15 de febreiro), procédese a publicar no Diario Oficial de Galicia unha relación dos convenios de colaboración subscritos no cuadrimestre anterior.
En consecuencia, e para dar cumprimento a este mandato,
DISPOÑO:
Artigo único. Dar publicidade aos convenios subscritos pola Consellería de Infraestruturas e Mobilidade no segundo cuadrimestre do ano 2022, que se incorporan como anexo a esta resolución.
Santiago de Compostela, 24 de outubro de 2022
Joaquín Macho Canales
Secretario xeral técnico da Consellería de Infraestruturas e Mobilidade
ANEXO
Convenios de colaboración subscritos pola Consellería de Infraestruturas
e Mobilidade no segundo cuadrimestre de 2022
Descrición |
Área |
Data sinatura |
Importe |
Convenio de colaboración entre a Consellería de Infraestruturas e Mobilidade e a Fundación dos Ferrocarrís de Galicia para garantir o funcionamento do Museo Galego do Ferrocarril e o desenvolvemento de actividades de exhibición dos fondos materiais propiedade deste, a divulgación destes entre a sociedade e o fomento do transporte ferroviario. |
DXM |
19.5.2022 |
30.000,00 € |
Convenio colaboración entre a Consellería de Infraestruturas e Mobilidade da Xunta de Galicia, o Concello de Ames e a UTE XG-807, para a implantación dun servizo de interese municipal no concello de Ames. |
Ames |
2.6.2022 |
0,00 € |
Convenio de colaboración entre a Xunta de Galicia, a través da Consellería de Infraestruturas e Mobilidade, e o Concello do Carballiño para a execución dunha parada de autobús para intercambio intermodal nas instalacións da estación de ferrocarril, operación susceptible de financiamento ao 100 % no marco do eixe REACT-UE do programa operativo Feder Galicia 2014-2020 como parte da resposta da Unión Europea á pandemia da COVID-19. |
O Carballiño |
13.6.2022 |
181.000,00 € |
Addenda 2 modificativa ao convenio subscrito con data do 31 de maio de 2018 entre a Consellería de Infraestruturas e Vivenda da Xunta de Galicia, o Concello de Vigo e a entidade pública empresarial ADIF-Alta Velocidade, para a execución dos accesos e nova vialidade urbana da contorna da estación intermodal de Vigo. |
Vigo |
8.7.2022 |
0,00 € |
Addenda ao convenio de colaboración entre o Instituto Enerxético de Galicia e a Consellería de Infraestruturas e Mobilidade, para a instalación de refuxios nas paradas das liñas dos servizos de transporte interurbano de viaxeiros por estrada de Galicia pola que se amplían os prazos de execución e vixencia. |
Galicia |
21.7.2022 |
0,00 € |