Mediante a Orde do 19 de febreiro de 2018 nomeáronse os representantes do Parlamento de Galicia no Consello Galego de Universidades, por expiración de mandato dos membros anteriores.
O Decreto 98/2014, do 17 de xullo, polo que se aproba o Regulamento do Consello Galego de Universidades, regula a composición deste órgano colexiado e no seu artigo 5, na alínea h) do punto 1, establécese que formarán parte del catro membros designados pola comisión do Parlamento de Galicia competente en materia universitaria, en proporción á súa representación no Pleno do Parlamento.
O 7 de outubro de 2022, a Comisión 4ª, de Educación e Cultura, do Parlamento de Galicia, procedeu á elección, designación e proposta de nomeamento, pola expiración do período de mandato, dos catro membros elixidos en 2018.
Os acordos de designación dos membros elixidos polo Parlamento de Galicia seranlle comunicados á persoa titular da consellería competente en materia de universidades, quen procederá ao seu nomeamento mediante orde da consellería, que se publicará no Diario Oficial de Galicia e producirá efectos a partir desa data.
A duración do mandato dos membros do Consello Galego de Universidades de designación parlamentaria será de catro anos e permanecerán en funcións desde a expiración do devandito período ata a toma de posesión dos novos membros.
Na súa virtude,
DISPOÑO:
Artigo único
Nomear os seguintes vogais, como membros designados pola Comisión 4ª, Educación e Cultura, do Parlamento de Galicia a:
– Begoña Barreiro Fernández.
– Senén Barro Ameneiro.
– Irene Garrido Valenzuela.
– Montserrat Valcárcel Armesto.
Disposición derradeira
Esta orde entrará en vigor o mesmo día da súa publicación no Diario Oficial de Galicia.
Santiago de Compostela, 21 de outubro de 2022
Román Rodríguez González
Conselleiro de Cultura, Educación, Formación Profesional
e Universidades