O 11 de abril de 2022 publicouse no DOG a Orde do 29 de marzo de 2022 pola que se establecen as bases reguladoras e se convoca o procedemento para a concesión de subvencións destinadas á realización de programas de interese xeral para fins de carácter sociosanitario no ámbito dos trastornos mentais.

Segundo o artigo 3.1 desta orde, o financiamento da liña I, Proxectos de investimento en melloras nos centros sanitarios cuxa actividade principal sexa o desenvolvemento de programas asistenciais e psicosociais ou preventivos en materia de trastornos mentais (incluídos os trastornos adictivos), contaba cun crédito de 165.318,00 € con cargo á aplicación orzamentaria 5001.413A.781.30 e código de proxecto 201800005 dos orzamentos xerais da Comunidade Autónoma de Galicia para o ano 2022.

Coa Resolución do 7 de xullo de 2022 pola que se procede á publicación das subvencións concedidas en virtude da Orde do 29 de marzo de 2022 pola que se establecen as bases reguladoras e se convoca o procedemento para a concesión de subvencións destinadas á realización de programas de interese xeral para fins de carácter sociosanitario no ámbito dos trastornos mentais (DOG núm. 137, do 19 de xullo), repartíronse axudas na liña I por valor do total do crédito da liña e quedaron programas sen axuda a pesar de superaren o limiar mínimo de puntuación por non se dispor de crédito suficiente para poder abranguer todas as solicitudes.

No artigo 3.2 da Orde do 29 de marzo de 2022 indícase que, excepcionalmente, se poderá ampliar a contía máxima dos créditos dispoñibles cando o aumento veña derivado dunha xeración, ampliación ou incorporación de crédito, cando existan remanentes doutras convocatorias financiadas con cargo ao mesmo crédito ou a créditos incluídos no mesmo programa ou en programas do mesmo servizo. A ampliación do crédito publicarase nos mesmos medios que a convocatoria sen que implique a apertura de prazo para presentar novas solicitudes nin o inicio de novo cómputo de prazo para resolver.

No mesmo artigo 3.2 indícase que no caso de que se producise este incremento de crédito:

a) Faríase unha repartición entre as entidades que, superando o limiar mínimo de puntuación, non recibiron subvención ou non acadaron o 100 % do solicitado na asignación ordinaria.

b) Esta nova repartición faríase seguindo o mecanismo de asignación establecido no artigo 13.2.

Como consecuencia deste incremento, segundo indica o artigo 3.2, procede facer a correspondente repartición de crédito.

Tras a publicación da Orde do 26 de setembro de 2022 pola que se fai público o incremento do crédito previsto na Orde do 29 de marzo de 2022 pola que se establecen as bases reguladoras e se convoca o procedemento para a concesión de subvencións destinadas á realización de programas de interese xeral para fins de carácter sociosanitario no ámbito dos trastornos mentais (código de procedemento SA500A) (DOG núm. 189, do 4 de outubro), incrementouse o crédito da liña I en cento vinte e un mil cento noventa e tres euros con seis céntimos (121.193,06 €), consignados na aplicación orzamentaria 50.01.413A.781.30, código de proxecto 2018 00005, co que o crédito desta liña pasa a ser de douscentos oitenta e seis mil cincocentos euros con seis céntimos (286.511,06 €).

Deste xeito, procede realizar a nova repartición recollida na Orde do 29 de marzo de 2022.

Vista a proposta de resolución formulada polo órgano instrutor e tendo en conta as dispoñibilidades orzamentarias,

RESOLVO:

Primeiro. Conceder ás entidades que se relacionan no anexo I, ao abeiro da indicada orde, as axudas reflectidas na dita relación, como consecuencia da aplicación dos criterios de baremación previstos no artigo 14 da orde.

Segundo. Denegar a subvención ás solicitudes que se relacionan no anexo II, por aplicación do artigo 13.2.a).

Terceiro. Denegar a subvención ás solicitudes que se relacionan no anexo IV, por non acadaren a puntuación mínima exixible.

Cuarto. De conformidade co artigo 24 das bases reguladoras, farase un único pagamento anticipado, por importe equivalente ao 100 % da contía outorgada.

Quinto. A data límite de presentación da documentación xustificativa da realización do programa subvencionado, segundo o artigo 25 das bases reguladoras, é o 28 de febreiro de 2023.

Santiago de Compostela, 7 de outubro de 2022

Julio García Comesaña
Conselleiro de Sanidade

ANEXO I

Axudas concedidas

Liña I. Proxectos de investimento en melloras nos centros sanitarios cuxa actividade principal sexa o desenvolvemento de programas asistenciais e psicosociais ou preventivos en materia de trastornos mentais (incluídos os trastornos adictivos).

Núm. expediente	NIF	Entidade solicitante	Programa	Puntos	Importe solicitado	Importe subvencionable	Importe asignado
SA500A-I-12	G70264999	Andaina pro Saúde Mental	Mellora do CRPL Dodro 22	65,50	6.402,72 €	6.402,72 €	6.402,72 €
SA500A-I-5	G27262799	Asociación de Axuda ao Enfermo Mental A Mariña	Acondicionamento edificación residencia persoas con enfermidade mental	65,25	80.541,05 €	80.541,05 €	80.541,05 €
SA500A-I-7	G15462633	Agalure	Ti podes	63,50	29.419,20 €	29.419,20 €	29.419,20 €
SA500A-I-6	G15036064	Asociación de Pais de Nenos con Problemas Psicosociais. Aspaneps	Proxecto de investimento	61,50	8.120,95 €	8.120,95 €	8.120,95 €
SA500A-I-10	G36302776	Fundación Lar Pro Saúde Mental	Proxecto de investimento para adquisición dun vehículo	61,50	32.300,00 €	32.300,00 €	32.300,00 €
SA500A-I-2	G36044295	Doa Saúde Mental	Adquisición material informático	60,00	5.656,14 €	5.656,14 €	5.656,14 €
SA500A-I-15	G15476310	Asociación Pro Salud Mental A Creba	Adquisición de equipamento que facilite a prestación de servizos	59,50	3.800,00 €	3.800,00 €	3.800,00 €
SA500A-I-19	G27746486	Xaruma	Autonomamente: adestramento de habilidades básicas para a vida autónoma	58,25	22.131,22 €	22.131,22 €	22.131,22 €
SA500A-I-16	G36642726	Asociación Érguete Vigo	Protección Asociación Érguete	58	4.934,37 €	4.934,37 €	4.934,37 €
SA500A-I-8	G36298867	Avelaiña Saúde Mental	Climatiza	57	24.000,00 €	24.000,00 €	24.000,00 €
SA500A-I-14	G15476310	Asociación pro Salud Mental A Creba	Proxecto de investimento para obras de conservación e mantemento do centro	56,5	10.940,25 €	10.940,25 €	10.940,25 €
SA500A-I-13	G36627453	Asociación Viguesa de Alcohología. Asvidal	Proxecto de obras de mantemento	55,25	3.379,53 €	3.379,53 €	3.379,53 €
SA500A-I-18	G36119253	Asociación Lar pro Salud Mental de Familiares, Amigos y Enfermos Mentales	Proxecto de investimento para adquisición de equipamento deportivo	54	14.660,35 €	14.660,35 €	14.660,35 €
SA500A-I-3	G36730059	Agaja	Investimento melloras centro sociosanitario	53	17.522,62 €	17.522,62 €	17.522,62 €
SA500A-I-9	G36302776	Fundación Lar Pro Saúde Mental	Proxecto de investimento para a realización de obras: aula formativa	52,5	38.948,15 €	38.948,15 €	22.702,66 €

ANEXO II

Solicitudes aprobadas sen dereito a subvención

Liña I. Proxectos de investimento en melloras nos centros sanitarios cuxa actividade principal sexa o desenvolvemento de programas asistenciais e psicosociais ou preventivos en materia de trastornos mentais (incluídos os trastornos adictivos).

No caso da liña I, a orde indica, no seu artigo 13.2.2.a), que o importe que se adxudicará: «Irase asignando seguindo a orde de prelación o importe subvencionable a cada un dos proxectos que superaron o limiar mínimo ata o esgotamento do crédito».

Deste xeito, algúns programas, a pesar de superaren o limiar mínimo de puntuación, non acadan subvención por terse esgotado o crédito antes de chegar ao seu posto na prelación:

Núm. expediente	NIF	Entidade solicitante	Programa	Puntuación entidade	Puntuación programa	Puntuación total (mínimo 45)
SA500A-I-17	G36119253	Asociación Lar pro Salud Mental de Familiares, Amigos y Enfermos Mentales	Proxecto de investimento para realización de obras: cancha	23	28	51
SA500A-I-4	G36861078	Fundación Érguete	Mellora dos centros de atención-programa Sísifo	33	15	48

ANEXO III

Solicitudes denegadas

Segundo indica o artigo 13.2 «A orde de prelación para a concesión das subvencións determinarase en función da puntuación obtida por valoración dos criterios establecidos no artigo 14. Non se poderá conceder subvención ás solicitudes que non obteñan unha puntuación mínima global de 45 puntos».

Núm. expediente	NIF	Entidade	Programa	Liña	Puntuación total (mínimo 45)
SA500A-I-11	R3200098F	Cáritas Diocesana de Ourense	Proxecto de investimento Casc. Vieiro	I	39,00