BDNS (Identif.): 653349.
De conformidade co previsto nos artigos 17.3.b) e 20.8.a) da Lei 38/2003, do 17 de novembro, xeral de subvencións, publícase o extracto da convocatoria cuxo texto completo se pode consultar na Base de datos nacional de subvencións (https://secretaria.uvigo.gal/uv/web/convocatoria/public/show/997):
Primeiro. Persoas beneficiarias
Alumnado que está matriculado en estudos de grao ou mestrado en centros propios do Campus de Ourense ou da Escola de Enfermaría de Ourense no curso 2022/23.
Segundo. Obxecto
O obxecto das axudas é atender o custo económico que supón a realización de estudos universitarios oficiais para o alumnado empadroado en concellos rurais da provincia de Ourense distantes dos campus universitarios e con dificultades de conexión a través de medios de transporte habituais.
Terceiro. Bases reguladoras
Resolución pola que se convocan as bolsas de desprazamento Ourense rural para o estudantado do Campus de Ourense para o curso académico 2022/23.
Cuarto. Contía
A contía total do crédito destinado a estas bolsas será de vinte e seis mil euros (26.000 €).
Quinto. Prazo de presentación de solicitudes
Desde o 13 de outubro ata o 27 de outubro de 2022.
Vigo, 11 de outubro de 2022
O reitor da Universidade de Vigo
P.D. (Resolución do 22.6.2022; DOG do 6 de xullo)
Elena Rivo López
Vicerreitora do Campus de Ourense da Universidade de Vigo