De conformidade co disposto no artigo 8 da Lei 19/2013, do 9 de decembro, de transparencia, acceso á información pública e bo goberno, dáselle publicidade da encomenda da Consellería de Facenda e Administración Pública á Fundación Semana Verde de Galicia, que ten as seguintes características:

Actividade: a Fundación Semana Verde de Galicia prestaralle á Consellería de Facenda e Administración Pública o apoio ao desenvolvemento das probas dos seguintes procesos selectivos:

Data e lugar	Proceso selectivo	Aspirantes	DOG
1.10.2022 Mañá	A2. Esc. Tec. Agrícola, acceso libre	465	Resolución do 16.12.21-DOG núm. 241, do 17 de decembro
1.10.2022 Mañá	A2. Esc. Tec. Agrícola, de estabilización	180	Resolución do 16.12.21-DOG núm. 241, do 17 de decembro
1.10.2022 Tarde	A2. Esc. Tec. Forestal, acceso libre	427	Resolución do 16.12.21-DOG núm. 241, do 17 de decembro
01.10.2022 Tarde	A2. Esc. Tec. Forestal, de estabilización	166	Resolución do 16.12.21-DOG núm. 241, do 17 de decembro

Natureza e alcance da xestión do encargo: encargo a medios propios por ter a Fundación Semana Verde de Galicia a consideración de medio propio instrumental e de servizo técnico da Administración xeral da Comunidade Autónoma, en cumprimento do disposto nos artigos 10 e 47 e seguintes da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.

Orzamento: 39.854,24 €. O gasto derivado deste encargo imputarase á aplicación orzamentaria 23.04.124A.226.13 (código de proxecto 2015/00187) dos orzamentos xerais da Comunidade Autónoma para 2022, na que existe crédito axeitado e suficiente.

Esta operación non está suxeita a IVE segundo o establecido no artigo 7.8 da Lei 37/1992, do 28 de decembro, do imposto sobre o valor engadido.

Santiago de Compostela, 30 de setembro de 2022

O conselleiro de Facenda e Administración Pública
P.D. (Orde do 9.1.2012; DOG do 13.1.2012)
Jorge Atán Castro
Secretario xeral técnico e do Patrimonio
da Consellería de Facenda e Administración Pública