Antecedentes.
Primeiro. O 23.6.2021 tivo entrada no rexistro do órgano competente para a súa tramitación o expediente exposto con anterioridade. Segundo o procedemento estipulado na Lei 21/2013, do 9 decembro, de avaliación ambiental, o promotor solicitou o inicio da tramitación de impacto ambiental do referido proxecto.
O 12.5.2022, o órgano ambiental resolveu formular a declaración de impacto ambiental favorable.
Segundo. O 6.7.2022, a Dirección Xeral de Planificación e Ordenación Forestal asina a resolución do citado proxecto de ordenación, con código PO-00020441V(1.1), segundo o artigo 81.1 da Lei 7/2012, do 28 de xuño, de montes de Galicia.
Terceiro. De conformidade co artigo 42 da Lei 21/2013, o órgano substantivo, no prazo máis breve posible e, en todo caso, antes dos quince días hábiles desde que adopte a decisión de autorizar ou denegar o proxecto, remitirá ao diario oficial correspondente un extracto do contido da dita decisión para a súa publicación.
Así mesmo, publicará na súa sede electrónica unha referencia ao diario oficial correspondente en que se publicaron a declaración de impacto ambiental e o extracto sobre a decisión de autorizar ou denegar o proxecto.
Polo anteriormente exposto,
RESOLVO:
Facer pública a resolución citada no antecedente primeiro, de conformidade co artigo 42 da Lei 21/2013, do 9 de decembro, de avaliación ambiental.
Expediente: PO-00020441V(1.1) titulado Proxecto de ordenación forestal Bustelo de Fisteus, concello de Quiroga, provincia de Lugo.
Esta resolución poderase consultar na seguinte ligazón:
https://mediorural.xunta.gal/es/temas/forestal/ordenacion/instrumentos-de-ordenacion-ou-de-xestion-forestal
Santiago de Compostela, 12 de setembro de 2022
José Luis Chan Rodríguez
Director xeral de Planificación e Ordenación Forestal