O artigo 4 do Decreto 67/2007, do 22 de marzo, polo que se regula o Catálogo galego de árbores senlleiras, establece o procedemento de catalogación e descatalogación de exemplares e formacións.
As seguintes solicitudes de inclusión de varias árbores no Catálogo galego de árbores senlleiras foron realizadas polas persoas interesadas de acordo con ese procedemento:
Rexistro de entrada: 2022/2108849.
Data: 23.8.2022.
Solicitante: Concello de Triacastela.
Especie: Juglans regia L.
Localidade: Triacastela.
Concello: Triacastela.
Provincia: Lugo.
Rexistro de entrada: 2022/2217165.
Data: 7.9.2022.
Solicitante: Asociación de Veciños Piñeiro Manso.
Especie: Pinus pinea L.
Localidade: Celeiros.
Concello: Ponteareas.
Provincia: Pontevedra.
Rexistro de entrada: 2022/2242122.
Data: 12.9.2022.
Solicitante: Concello de Mondariz Balneario.
Especie: Cryptomeria japonica; (Thunb. ex L.f.) D. Don.
Localidade: Mondariz Balneario.
Concello: Mondariz Balneario.
Provincia: Pontevedra.
Rexistro de entrada: 2022/2242389.
Data: 12.9.2022.
Solicitante: Concello de Mondariz Balneario.
Especie: Cupressus lusitanica, Mill.
Localidade: Mondariz Balneario.
Concello: Mondariz Balneario.
Provincia: Pontevedra.
Rexistro de entrada: 2022/2242237.
Data: 12.9.2022.
Solicitante: Concello de Mondariz Balneario.
Especie: Cryptomeria japonica, D. Don, Elegans (Henk&Hochst.) Mast.
Localidade: Mondariz Balneario.
Concello: Mondariz Balneario.
Provincia: Pontevedra.
O artigo 4.4 do Decreto 67/2007, do 22 de marzo, establece que as solicitudes de catalogación ou descatalogación de exemplares e formacións, e a documentación presentada xunto con elas, se someterán ao trámite de información pública por un prazo de vinte días, para os efectos de que os interesados poidan presentar os documentos e as xustificacións que consideren pertinentes.
En consecuencia, ábrese un período de información pública das solicitudes de catalogación mencionadas neste anuncio e da documentación presentada xunto con elas, durante un prazo de 20 días hábiles desde o día seguinte ao da publicación deste anuncio, coa finalidade de que aquelas persoas interesadas que se consideren directamente afectadas poidan remitir observacións e opinións por escrito, ou ben a través do enderezo de correo electrónico: dxpn.cmatv@xunta.gal, pondo no asunto «Información pública árbores senlleiras».
Durante o citado prazo, a documentación correspondente poderá ser examinada nos seguintes lugares:
– Dirección Xeral de Patrimonio Natural da Consellería de Medio Ambiente, Territorio e Vivenda, San Lázaro s/n, 15781 Santiago de Compostela.
– Xefatura Territorial de Lugo da Consellería de Medio Ambiente, Territorio e Vivenda, rolda da Muralla 70, 27071 Lugo.
– Xefatura Territorial de Pontevedra da Consellería de Medio Ambiente, Territorio e Vivenda, avda. Victoria Moreno 43-4º, 36071 Pontevedra.
Durante ese mesmo período poderase consultar na páxina web da Consellería de Medio Ambiente, Territorio e Vivenda (https://cmatv.xunta.gal/seccion-tema/c/CMAOT_Conservacion?content=Direccion_Xeral_Conservacion_Natureza/Biodiversidade/seccion.html&std=expedientes_senlleiras.html&sub=Arbores_senlleiras/) a información dos expedientes que non se corresponda con datos de carácter persoal (Lei orgánica 3/2018, do 5 de decembro, de protección de datos persoais e garantía dos dereitos dixitais).
Santiago de Compostela, 14 de setembro de 2022
Belén María do Campo Piñeiro
Directora xeral de Patrimonio Natural