En cumprimento do disposto na Lei 24/2013, do 26 de decembro, do sector eléctrico; no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e na Lei 9/2021, do 25 de febreiro, de simplificación administrativa e de apoio á reactivación económica de Galicia, sométese a información pública a solicitude relacionada coas instalacións que se describen a seguir:
Solicitante: UFD Distribución Electricidad, S.A.
Domicilio social: avenida San Luis, 77, 28033 Madrid.
Denominación: regulamentación CT 32CF88 Lobeiras.
Situación: lugar de Lobeiras, concello de Celanova.
Características principais recollidas no proxecto:
– LMTS, a 20 kV de alimentación a CT proxectado (2 tramos), en condutor tipo RHZ1-2OL 1×240 mm, de 4 m cada un, con orixe na LSMT CEL809 Celanova 9 e final no CT proxectado.
– CT Lobeiras, compacto, telecontrolado GSM/GPRS/FO 2L1P con envolvente e manobra exterior, de 630 kVA de potencia e R/T 20.000/400-230 V, que substitúe o actual de 160 kVA legalizado no expediente número IN407A 2016/143-3 e APS do 13 de outubro de 2017.
O obxecto da información pública será a autorización administrativa previa, a autorización administrativa de construción e a declaración de utilidade pública, en concreto, da citada instalación eléctrica. A declaración de utilidade pública levará implícita, de acordo co artigo 56 da Lei 24/2013, do 26 de decembro, do sector eléctrico, a necesidade da urxente ocupación para os efectos da expropiación forzosa dos bens e dereitos afectados necesarios para o establecemento destas instalacións.
Documentación que se expón:
1. O proxecto de execución, asinado polo enxeñeiro técnico industrial Sergio Rodríguez Rodríguez, colexiado número 482 do COETIOU, o 16.5.2022.
2. A relación concreta e individualizada dos propietarios de bens e de dereitos afectados, que figura no anexo a este acordo.
3. Planos parcelarios do proxecto.
O que se fai público, para o coñecemento xeral, así como, en particular, dos propietarios dos predios que figuran na relación anexa a este acordo, e das persoas que, sendo titulares de dereitos reais ou intereses económicos sobre os bens afectados, fosen omitidas, para que poidan examinar a documentación técnica anteriormente relacionada e, se for o caso, presentar as alegacións ou observacións que coiden oportunas dentro do prazo de trinta (30) días, que se contará a partir do día seguinte ao da publicación deste acordo no Diario Oficial de Galicia.
Toda a documentación se poderá examinar na Xefatura Territorial da Vicepresidencia Primeira e Consellería de Economía, Industria e Innovación en Ourense, rúa Curros Enríquez nº 1, 32003 Ourense, e na seguinte ligazón web da Consellería:
http://ceei.xunta.gal/transparencia/documentos-sometidos-a-informacion-publica
Ourense, 26 de agosto de 2022
Alicia María López Míguez
Xefa territorial de Ourense
ANEXO
Relación de bens e dereitos afectados
Número de expediente: IN407A 2022/139-3.
Situación: Lobeiras, concello de Celanova.
Denominación: regulamentación CT 32CF88 Lobeiras.
Predio número en proxecto: 1.
Lugar: Traseiras.
Cultivo: prado.
Titular: Óscar Álvarez Mociño.
Afeccións: CT ocupación de 16,81 m².
