Ao abeiro do artigo 22.3 da Lei 3/2007, do 9 de abril, de prevención e defensa contra os incendios forestais de Galicia, tendo en conta que non se puido determinar a identidade da persoa responsable da xestión da biomasa nas parcelas que a continuación se especifican, efectúase a publicación de conformidade coa dita norma.

De conformidade co establecido nos artigos 44 e 46 da Lei 39/2015, do 1 de outubro, do procedemento administrativo común das administracións públicas, faise pública a notificación dos seguintes acordos ao ter resultado imposible a súa notificación.

Referencia catastral parcelas

36028A208202780000XZ

36028A208002820000XY

Mediante esta publicación concedéselles aos titulares das ditas parcelas un prazo de quince (15) días, desde o día seguinte ao da publicación deste acordo no DOG, para procederen á xestión da biomasa das parcelas, sen prexuízo de que se promova a investigación da titularidade dos ditos inmobles con base na Lei 11/2021, do 14 de maio, de recuperación da terra agraria de Galicia, coa aplicación das consecuencias derivadas da tramitación de dito procedemento.

Contra este acordo, que resulta ser un acto de trámite que non decide sobre o fondo do asunto, non cabe a interposición de ningún recurso e os titulares das parcelas que figuran nesta publicación, e que así o acrediten, poderán recoller copia da resolución nas dependencias municipais e formular as alegacións que xulguen oportunas e propoñer proba no caso de que o consideren necesario.

O que notifico mediante publicación no DOG en cumprimento do disposto nos artigos 40 e 44 da Lei 39/2015, do 1 de outubro, así como no artigo 22.3 da Lei 3/2007, do 9 de abril, de prevención e defensa contra os incendios forestais de Galicia.

Meis, 8 de agosto de 2022

Marta Giráldez Barral
Alcaldesa