A Deputación Provincial da Coruña, na sesión plenaria ordinaria do día 27 de maio de 2022, adoptou o seguinte acordo:
«24. Aprobación da aceptación da delegación de competencias tributarias do Concello de Sada (taxa de solo).
1. Aceptar a delegación de competencias acordada polo Concello de Sada en relación coa seguinte materia:
Xestión, inspección e recadación voluntaria e executiva da taxa pola utilización privativa ou aproveitamentos especiais constituídos no solo, subsolo e voo das vías públicas, a favor de empresas explotadoras de servizos de subministracións de interese xeral. A delegación afectará tanto o suposto xeral do artigo 24 do texto refundido da Lei reguladora das facendas locais, aprobado polo Real decreto lexislativo 2/2004, do 5 de marzo, baseado no 1,5 % dos ingresos brutos obtidos no termo municipal, como o suposto especial da telefonía móbil.
2. A delegación entrará en vigor unha vez sexa publicado este acordo no Boletín Oficial da provincia e o seu exercicio levarase a cabo nos termos establecidos nas bases para a prestación de servizos tributarios aos concellos da provincia, aprobadas para o efecto por esta deputación provincial».
O que se fai público para xeral coñecemento.
A Coruña, 2 de xuño de 2022
O presidente da Deputación |
Amparo Taboada Gil |