O Concello de Cabanas acordou a incoación do expediente sancionador SCOVID/CABANAS/0028 e dous máis por vulneración da normativa sanitaria.

Intentada a notificación dos acordos de incoación por correo certificado con xustificante de recepción no domicilio que consta nos correspondentes expedientes sancionadores, estas foron devoltas polo servizo de Correos. Por este motivo, e de conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, a notificación das resolucións ditadas nos procedementos sancionadores en materia sanitaria ás persoas interesadas que figuran no anexo efectúase por medio dun anuncio publicado no Boletín Oficial del Estado (BOE), que previamente se publica no Diario Oficial de Galicia.

Dado que neste acto non se publican na súa integridade as notificacións referidas, de conformidade co artigo 46 da Lei 39/2015, do 1 de outubro, do procedemento administrativo común das administracións públicas, o texto íntegro dos actos que se notifican está á disposición das persoas interesadas, xunto co resto do expediente, no prazo máximo de dez (10) días hábiles, contados desde o día seguinte ao desta publicación no Boletín Oficial del Estado, nas oficinas municipais do Concello de Cabanas, situadas na rúa do Concello, 22, Cabanas (A Coruña), das 9.00 ás 14.00 horas, de luns a venres. Advírteselles ás persoas interesadas que, de non compareceren no referido prazo, a notificación se entenderá producida, para todos os efectos, o día seguinte ao do vencemento do prazo.

As persoas interesadas dispoñen do prazo indicado no parágrafo anterior para achegaren, ante a persoa instrutora do expediente, cantas alegacións, documentos ou informacións consideren convenientes e, de ser o caso, propoñeren proba concretando os medios dos cales pretendan valerse, de conformidade co artigo 64.2.f) da Lei 39/2015, do 1 de outubro, do procedemento administrativo común das administracións públicas. De non efectuaren alegacións no referido prazo, o acordo de inicio poderá ser considerado proposta de resolución.

De conformidade co disposto nos artigos 85 da Lei 39/2015, do 1 de outubro, do procedemento administrativo común das administracións públicas e 44.bis.5 da Lei 8/2008, do 10 de xullo, de saúde de Galicia, as persoas interesadas son informadas de que a sanción que se indica no acordo de incoación poderá estar suxeita ás seguintes reducións: o 25 % no caso do recoñecemento da súa responsabilidade ou do pagamento voluntario da sanción antes da resolución do procedemento, ou o 50 % no caso de recoñecemento da súa responsabilidade e do pagamento voluntario da sanción antes da resolución do procedemento. A efectividade de calquera destas reducións estará condicionada á desistencia ou renuncia de calquera acción ou recurso na vía administrativa contra a sanción.

Este anuncio realízase ao abeiro do establecido no Convenio asinado o 27 de novembro de 2020 entre a Vicepresidencia Primeira e Consellería de Presidencia, Xustiza e Turismo e a Federación Galega de Municipios e Provincias (Fegamp) para articular a encomenda de xestión á Xunta de Galicia para a realización de actuacións auxiliares e de colaboración material na tramitación dos procedementos sancionadores competencia dos concellos de Galicia, en relación co incumprimento das medidas de prevención aprobadas para a loita contra a COVID-19.

Santiago de Compostela, 28 de xullo de 2022

María Jesús Tejada López
Funcionaria da unidade tramitadora

ANEXO

Número de expediente	DNI/CIF da persoa interesada	Infracción imputada	Precepto cualificador	Precepto sancionador	Sanción proposta
SCOVID/CABANAS/0028	32710458L	Incumprimento das normas emitidas polas autoridades sanitarias da Comunidade Autónoma de Galicia polas que se establece a obriga de cumprir a medida de mantemento da distancia de seguridade interpersoal	Artigo 41.g) da Lei 8/2008, do 10 de xullo, de saúde de Galicia	Artigo 44.1 e 44.2 da Lei 8/2008, do 10 de xullo, de saúde de Galicia	100 euros
SCOVID/CABANAS/0033	02739657N	Incumprimento da limitación de permanencia de grupos de persoas non conviventes en espazos de uso público ou privado	Artigo 41.g) da Lei 8/2008, do 10 de xullo, de saúde de Galicia	Artigo 44.1 e 44.2 da Lei 8/2008, do 10 de xullo, de saúde de Galicia	100 euros
SCOVID/CABANAS/0036	05463502J	Incumprimento da limitación de permanencia de grupos de persoas non conviventes en espazos de uso público ou privado	Artigo 41.g) da Lei 8/2008, do 10 de xullo, de saúde de Galicia	Artigo 44.1 e 44.2 da Lei 8/2008, do 10 de xullo, de saúde de Galicia	100 euros