De conformidade co disposto nos artigos 44 e 46 da Lei 39/2015, do 1 de outubro (BOE núm. 236, do 2 de outubro), do procedemento administrativo común das administracións públicas, notifícaselle ao propietario provisional da embarcación segundo se reflicte na folla de rexistro da embarcación, Rubén Sambad Vázquez, mediante a publicación no Boletín Oficial del Estado (BOE), a Resolución do 20 de xuño de 2022, da Presidencia da entidade pública Portos de Galicia, que declara en situación de abandono a embarcación Reina del Mar con folio 7ª-FE-4-515-91, depositada no porto do Sardiñeiro, por non ser posible a notificación no domicilio.

Así mesmo, este anuncio publicarase no Diario Oficial de Galicia (DOG), ben que a eficacia do acto notificado quedará supeditada á súa publicación no BOE.

A resolución emítese por atoparse a embarcación depositada no porto do Sardiñeiro en estado de abandono, sen actividade e sen ningún mantemento desde fai anos, e sen aboar taxas, con base no establecido no artigo 128 da Lei 6/2017, do 12 de decembro, de portos de Galicia (DOG núm. 236, do 14 de decembro), e unha vez que non existe constancia da presentación de alegacións contra o acordo de iniciación do procedemento.

De acordo coa normativa que se cita, e a través dos medios previstos na Lei 5/2011, do patrimonio da Comunidade Autónoma de Galicia (DOG núm. 203, do 24 de outubro), Portos de Galicia vai proceder á venda do buque, e de resultar esta falida, ao seu despezamento e traslado a vertedoiro autorizado.

Todos os custos de tramitación ou que xeren as actuacións que se van realizar sobre o buque en función do que resulte do exame sobre o seu estado e da súa peritación, serán por conta do propietario e do arrendatario.

A presente resolución emítese pola presidenta de Portos de Galicia, en virtude das competencias conferidas polo artigo 12.3, epígrafes a) e l), da Lei 6/2017, de portos de Galicia.

Contra a presente resolución, que pon fin á vía administrativa e é executiva, poderase interpor recurso contencioso-administrativo nun prazo de dous meses, contados desde o día seguinte ao da publicación deste anuncio, ante o Xulgado do Contencioso Administrativo de Santiago de Compostela que corresponda.

Santiago de Compostela, 18 de xullo de 2022

Susana Lenguas Gil
Presidenta de Portos de Galicia