O Pleno da Deputación Provincial de Pontevedra, na sesión ordinaria que tivo lugar o día 23 de xuño de 2022, acordou aceptar, de conformidade co previsto no artigo 7.2 do Real decreto lexislativo 2/2004, do 5 de marzo, polo que se aproba o texto refundido da Lei reguladora das facendas locais e no artigo 106.3 da Lei 7/1985, do 2 de abril, reguladora das bases de réxime local, a delegación de competencias que realizou o Concello de Silleda por acordo do Pleno na sesión de data do 31 de marzo de 2022 para desenvolver as facultades de recadación en vía executiva de todos os recursos de dereito público nos termos que constan na certificación do acordo remitida polo Concello de Silleda á Deputación e que figura no expediente.

A citada delegación realizarase pola Deputación de Pontevedra a través dos seus servizos tributarios.

O que se fai público para xeral coñecemento e demais efectos.