De conformidade co establecido no Decreto 206/2005, do 22 de xullo (DOG núm. 145, do 29 de xullo), de provisión de prazas de persoal estatutario do Servizo Galego de Saúde, e na Orde do 24 de maio de 2006 (DOG núm. 106, do 5 de xuño) pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde, e no uso das atribucións conferidas polo Decreto 134/2019, do 10 de outubro, polo que se regulan as áreas sanitarias e os distritos sanitarios do Sistema público de saúde de Galicia (DOG núm. 204, do 25 de outubro), o xerente da Área Sanitaria de Pontevedra e O Salnés

RESOLVE:

Primeiro. Anunciar a convocatoria para cubrir, polo procedemento de concurso de méritos e defensa pública dun proxecto técnico de xestión da respectiva unidade, postos de supervisión de unidade e xeral na Área Sanitaria de Pontevedra e O Salnés, que se relacionan no anexo I.

Segundo. As retribucións dos postos ofertados serán as que correspondan de acordo coa orde anual pola que se ditan instrucións sobre a confección de nóminas do persoal ao servizo da Administración autonómica.

Terceiro. As solicitudes para participar nesta convocatoria presentaranse, preferentemente, no Rexistro da Área Sanitaria de Pontevedra e O Salnés, sito na rúa Loureiro Crespo, nº 2, de Pontevedra, ou a través de calquera dos procedementos do artigo 16 da Lei 39/2015, do 1 de outubro, do procedemento administrativo común das administracións públicas, no prazo de quince (15) días hábiles contados a partir do día seguinte ao da publicación deste anuncio no Diario Oficial de Galicia.

Cuarto. As bases íntegras da convocatoria estarán expostas nos taboleiros de anuncios de Dirección e na intranet da Área Sanitaria de Pontevedra e O Salnés, así como na páxina web do Servizo Galego de Saúde (www.sergas.es).

Pontevedra, 12 de xullo de 2022

José Ramón Gómez Fernández
Xerente da Área Sanitaria de Pontevedra e O Salnés

ANEXO I

Prazas

Código	Denominación	Prazas	Centro
S-A2-03	Supervisión Xeral	2	Complexo Hospitalario Universitario de Pontevedra
S-A2-03	Supervisión Unidade Área Ambulatoria	1	Hospital Público O Salnés
S-A2-03	Supervisión Unidade Cardioloxía	1	Complexo Hospitalario Universitario de Pontevedra
S-A2-03	Supervisión Unidade Cirurxía Impar	1	Complexo Hospitalario Universitario de Pontevedra
S-A2-03	Supervisión Unidade Consultas Externas	1	Complexo Hospitalario Universitario de Pontevedra
S-A2-03	Supervisión Unidade Neuroloxía-Coidados Paliativos	1	Complexo Hospitalario Universitario de Pontevedra
S-A2-03	Supervisión Unidade Nefroloxía-Diálise	1	Complexo Hospitalario Universitario de Pontevedra
S-A2-03	Supervisión Unidade Transfusión	1	Complexo Hospitalario Universitario de Pontevedra