O Concello de A Rúa ditou resolución do expediente sancionador SCOVID/ARUA/018 e cinco expedientes máis por vulneración da normativa sanitaria.

Intentada a notificación da resolución por correo certificado con xustificante de recepción no domicilio que consta no correspondente expediente sancionador, esta foi devolta polo servizo de Correos. Por este motivo, e de conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, a notificación da resolución ditada no procedemento sancionador en materia sanitaria á persoa interesada que figura no anexo efectúase por medio dun anuncio publicado no Boletín Oficial del Estado (BOE), que previamente se publica no Diario Oficial de Galicia.

Dado que neste acto non se publica na súa integridade a notificación referida, de conformidade co artigo 46 da Lei 39/2015, do 1 de outubro, do procedemento administrativo común das administracións públicas, o texto íntegro do acto que se notifica está á disposición da persoa interesada, xunto co resto do expediente, no prazo máximo de dez (10) días hábiles, contados desde o día seguinte ao desta publicación no Boletín Oficial del Estado, nas oficinas municipais do Concello da Rúa, situadas na praza José Antonio Míguez Freire, 1, A Rúa (Ourense), das 9.00 ás 14.00 horas, de luns a venres. Advírteselle á persoa interesada que, de non comparecer no referido prazo, a notificación se entenderá producida, para todos os efectos, o día seguinte ao do vencemento do prazo.

A resolución pon fin á vía administrativa e contra ela só cabe recurso contencioso-administrativo ante o xulgado do contencioso-administrativo da circunscrición na que o demandante teña o seu domicilio ou aquela na que se atope a sede do órgano autor do acto orixinario impugnado (entendéndose limitada esta posibilidade de elección só aos xulgados que se atopen dentro da circunscrición do Tribunal Superior de Xustiza de Galicia), de acordo co establecido nos artigos 8 e 14 da Lei 29/1998, do 13 de xullo, reguladora da xurisdición contencioso-administrativa, no prazo de dous meses contados desde o día seguinte ao da súa notificación, conforme o disposto no artigo 46.1 da citada norma legal.

Este anuncio realízase ao abeiro do establecido no Convenio asinado o 27 de novembro de 2020 entre a Vicepresidencia Primeira e Consellería de Presidencia, Xustiza e Turismo e a Federación Galega de Municipios e Provincias (Fegamp) para articular a encomenda de xestión á Xunta de Galicia para a realización de actuacións auxiliares e de colaboración material na tramitación dos procedementos sancionadores competencia dos concellos de Galicia, en relación co incumprimento das medidas de prevención aprobadas para a loita contra a COVID-19.

Santiago de Compostela, 1 de xullo de 2022

Sonia Villaverde Cutrín
Funcionaria da unidade tramitadora

ANEXO

Número de expediente	DNI/CIF Persoa interesada	Infracción imputada	Precepto cualificador	Precepto sancionador	Sanción imposta
SCOVID/ARUA/018	76734190A	Non utilizar a máscara obrigatoria nos termos establecidos na normativa vixente e non encontrarse, de forma xustificada, en ningunha das excepcións á dita obriga.	Art. 57.2.c.1º) da Lei 33/2011, do 4 de outubro, xeral de saúde	Art. 58.1.c) da Lei 33/2011 Art. 31.2 do RDL 21/2020	100 euros
SCOVID/ARUA/049	72123354T	Non utilizar a máscara obrigatoria nos termos establecidos na normativa vixente e non encontrarse, de forma xustificada, en ningunha das excepcións á dita obriga.	Art. 57.2.c.1º) da Lei 33/2011, do 4 de outubro, xeral de saúde	Artigo 58.1.c) da Lei 33/2011 Art. 31.2 do RDL 21/2020	100 euros
SCOVID/ARUA/051	10063475D	Non utilizar a máscara obrigatoria nos termos establecidos na normativa vixente e non encontrarse, de forma xustificada, en ningunha das excepcións á dita obriga.	Art. 57.2.c.1º) da Lei 33/2011, do 4 de outubro, xeral de saúde	Artigo 58.1.c) da Lei 33/2011 Art. 31.2 do RDL 21/2020	100 euros
SCOVID/ARUA/0085	71518515S	Incumprimento, por parte dos establecementos, locais de negocio, instalacións e espazos de uso público ou que se encontren aberto ao público ou con ocasión do desenvolvemento de actividades de medidas preventivas sobre limitación de capacidade ou outras relativas á organización ou ao exercicio da actividade adoptadas polas autoridades sanitarias, se as repercusións producidas tiveron unha incidencia escasa ou sen transcendencia directa na saúde da poboación.	Art. 41.g) da Lei 8/2008, do 10 de xullo, de saúde de Galicia	Art. 44.2 da Lei 8/2008, do 10 de xullo, de saúde de Galicia	200 euros
SCOVID/ARUA/0120	34983231R	Non utilizar a máscara obrigatoria nos termos establecidos na normativa vixente e non encontrarse, de forma xustificada, en ningunha das excepcións á dita obriga.	Art. 41.bis.a) da Lei 8/2008, do 10 de xullo, de saúde de Galicia	Artigo 44.bis.5 da Lei 8/2008, do 10 de xullo, de saúde de Galicia	100 euros
SCOVID/ARUA/0144	76705249L	Non utilizar a máscara obrigatoria nos termos establecidos na normativa vixente e non encontrarse, de forma xustificada, en ningunha das excepcións á dita obriga.	Artigo 41.bis.a) da Lei 8/2008, do 10 de xullo, de saúde de Galicia	Artigo 44.bis.5 da Lei 8/2008, do 10 de xullo, de saúde de Galicia	100 euros