De conformidade co artigo 8 da Lei 19/2013, do 9 de decembro, de transparencia, acceso á información pública e bo goberno, dáse publicidade das seguintes encomendas coas seguintes características:
1. Resolución do 25 de maio de 2022, da Consellería do Mar, pola que se lle encarga ao medio propio Fundación Centro Tecnológico del Mar (Cetmar) a realización, polo sistema de administración, dun servizo de oficina técnica para o apoio ao deseño e a construción de dúas embarcacións patrulleiras para o Servizo de Gardacostas de Galicia da Consellería do Mar.
– Actividade: a realización das actuacións relativas á execución de accións de apoio á Consellería do Mar que teñen como finalidade o seguimento no deseño e na construción de dúas embarcacións patrullleiras aptas para tarefas de inspección e vixilancia pesqueira, control e apoio á frota pesqueira de Galicia.
– Natureza e alcance da xestión encomendada: encomenda de xestión a medios propios, ao ter a Fundación Centro Tecnológico del Mar (Cetmar) a consideración de medio propio instrumental e de servizo técnico da Administración xeral da Comunidade Autónoma de Galicia, en cumprimento do establecido nos artigos 10 e 47 e seguintes da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.
– Prazo de vixencia: desde o 25 de maio de 2022 ata o 30 de decembro de 2023.
– Financiamento: tramitouse con cargo aos orzamentos da Comunidade Autónoma de Galicia na aplicación orzamentaria 15.02.723A.640.1, código do proxecto 2016 00287, cofinanciada polo Fondo Europeo Marítimo e de Pesca (FEMP) nun 75 %.
2. Resolución do 13 de maio de 2022, da Consellería do Mar, pola que se lle encarga ao medio propio Fundación Centro Tecnológico del Mar (Cetmar) a realización, polo sistema de administración, dun servizo de asistencia técnica para o seguimento e a avaliación de novos retos dos GALP no marco do desenvolvemento sustentable das zonas de pesca do Fondo Europeo Marítimo e de Pesca (FEMP).
– Actividade: a realización das actuacións relativas á execución de accións de apoio á Consellería do Mar en materias relacionadas co desenvolvemento das EDLP dos GALP na dobre vertente de selección de estratexias e grupos para o período Fondo Europeo Marítimo, de Pesca e de Acuicultura (FEMPA) 2021-2027 e de seguimento e avaliación final das estratexias do período Fondo Europeo Marítimo e de Pesca (FEMP) 2016-2022.
– Natureza e alcance da xestión encomendada: encomenda de xestión a medios propios, ao ter a Fundación Centro Tecnológico del Mar (Cetmar) a consideración de medio propio instrumental e de servizo técnico da Administración xeral da Comunidade Autónoma de Galicia, en cumprimento do establecido nos artigos 10 e 47 e seguintes da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.
– Prazo de vixencia: desde o 13 de maio de 2022 ata o 30 de xuño de 2023.
– Financiamento: tramitouse con cargo aos orzamentos da Comunidade Autónoma de Galicia na aplicación orzamentaria 15.02.723A.640.1, código do proxecto 2016 00287, cofinanciada polo Fondo Europeo Marítimo e de Pesca (FEMP) nun 75 %.
3. Resolución do 1 de xullo de 2022, da Consellería do Mar, pola que se lle encarga ao medio propio Fundación Centro Tecnológico del Mar (Cetmar) a execución do servizo de coordinación, difusión e mellora do Observatorio Costeiro da Xunta de Galicia como soporte á xestión sustentable da actividade acuícola.
– Actividade: a execución do servizo de coordinación, difusión e mellora do Observatorio Costeiro da Xunta de Galicia como soporte á xestión sustentable da actividade acuícola.
– Natureza e alcance da xestión encomendada: encomenda de xestión a medios propios, ao ter a Fundación Centro Tecnológico del Mar (Cetmar) a consideración de medio propio instrumental e de servizo técnico da Administración xeral da Comunidade Autónoma de Galicia, en cumprimento do establecido nos artigos 10 e 47 e seguintes da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.
– Prazo de vixencia: desde o 4 de xullo de 2022 ata o 30 de setembro de 2023.
– Financiamento: tramitouse con cargo aos orzamentos da Comunidade Autónoma de Galicia na aplicación orzamentaria 15.02.723A.641.0, código do proxecto 2016 00259, cofinanciada polo Fondo Europeo Marítimo e de Pesca (FEMP) nun 75 %.
Santiago de Compostela, 4 de xullo de 2022
Silvia Cortiñas Fernández
Secretaria xeral técnica da Consellería do Mar
