O artigo 26 do Real decreto lexislativo 1/2016, do 16 de decembro, polo que se aproba o texto refundido da Lei de prevención e control integrados da contaminación (Boletín Oficial del Estado núm. 316, do 31 decembro) regula a revisión das autorizacións ambientais integradas.
Os artigos 15 e 16 do Real decreto 815/2013, do 18 de outubro, polo que se aproba o Regulamento de emisións industriais e de desenvolvemento da Lei 16/2002, do 1 de xullo, de prevención e control integrados da contaminación (Boletín Oficial del Estado núm. 251, do 19 de outubro de 2013) regulan o procedemento de revisión das autorizacións ambientais integradas.
Para os efectos previstos no artigo 15.5.a) do Real decreto 815/2013, do 18 de outubro, sométese a información pública, durante un período de 20 días hábiles contados a partir do día seguinte ao da publicación deste anuncio no Diario Oficial de Galicia, o documento titulado:
Documento de revisión da autorización ambiental integrada.
Planta de elaboración de produtos precociñados a base de peixe A Pobra do Caramiñal (A Coruña).
Para que calquera persoa interesada poida consultalo e, de ser o caso, presentar dentro do citado prazo as alegacións, suxestións ou observacións que estime convenientes.
Os documentos estarán á disposición dos administrados nas dependencias da Dirección Xeral de Calidade Ambiental, Sostibilidade e Cambio Climático, Servizo de Prevención e Control Integrados da Contaminación, en horario de atención ao público (rúa de San Lázaro, s/n, Santiago de Compostela).
Ademais, tamén se poderá consultar na páxina web da Consellería de Medio Ambiente, Territorio e Vivenda (http://cmatv.xunta.gal/>>medio ambiente e sostibilidade>>prevención e control de actividades>>autorización ambiental integrada>>proxectos en información pública).
As alegacións, suxestións ou observacións dirixiranse ao Servizo de Prevención e Control Integrados da Contaminación.
Santiago de Compostela, 18 de febreiro de 2022
María Sagrario Pérez Castellanos
Directora xeral de Calidade Ambiental, Sostibilidade e Cambio Climático
ANEXO
Expediente: 2020-IPPC-M-42.
Número da autorización ambiental integrada: 2007/0003_NAA/IPPC_106.
Categoría principal da actividade: anexo I, categoría 9.1.b.i) do Real decreto lexislativo 1/2016, do 16 de decembro.
Titular: Congalsa, S.L.
NIF: B15269392.
Localización da instalación: polígono industrial A Tomada, 15940 A Pobra do Caramiñal (A Coruña). Referencia catastral da parcela: 3170702NH0137S0001QZ.
Actividade principal: elaboración de produtos precociñados a base de peixe.
Descrición: as etapas do proceso produtivo dependen das diferentes liñas de produción existentes, que de forma xeral son:
– Recepción e almacenamento das materias primas e auxiliares a través dos peiraos de carga.
– Acondicionamento que varía en función da liña produtiva segundo sexa para a elaboración de produtos precociñados a base de peixe (desconxelación, enfariñado, rebozado, aditivado, encolado e outras); para elaboración de produtos de pesca conxelados (desconxelado, evisceración e lavado); ou, en caso de elaboración de produtos complementarios como fariñas, verduras e outros (almacenamento e posterior acondicionamento).
– Fritura. Tras o acondicionamento realizase a fritura dos distintos produtos.
– Ultraconxelado. Unha vez que o produto ten o formato definitivo introdúcese nos túneles de conxelación ou armario de conxelación durante o tempo que permita a ultraconxelación.
– Envasado. A planta ten unha única liña de envasado para todos os produtos e posteriormente son empaquetados en caixas de cartón e paletizados.
– Almacenamento e carga do produto final a temperatura controlada.
Ademais, a planta conta con operacións auxiliares como: estación depuradora de augas de proceso situada no exterior da planta, unha sistema CIP para a limpeza das instalacións e a maquinaria en circuíto pechado, actividades administrativas, instalacións para a xeración de frío, actividade de laboratorio para verificar as condicións de elaboración e a calidade do produto, un equipo de mantemento en cada unha das naves que conforma a instalación e un sistema de xeración de enerxía mediante placas solares.