O Decreto 143/2013, do 12 de setembro, establece os prezos públicos exixibles polas prestacións dos servizos de residencia e comedor nos centros de formación das familias marítimo-pesqueira e agroforestal, así como os prezos de matrícula na Aula de Seguridade e Salvamento, dependentes desta consellería.
Así mesmo, no seu artigo 6.1 determina o mecanismo de actualización dos prezos públicos. Os prezos así actualizados faranse públicos mediante resolución da persoa titular da consellería con competencias en materias de pesca, agricultura e forestal, que será publicada no Diario Oficial de Galicia.
Por isto, e en virtude do parágrafo primeiro do artigo 6 do Decreto 143/2013, do 12 de setembro, polo que se fixan os prezos públicos polos servizos de residencia e comedor prestados nos centros de formación das familias marítimo-pesqueira e agroforestal, así como os prezos de matrícula na Aula de Seguridade e Salvamento, dependentes desta consellería,
RESOLVO:
Primeiro. Actualizar os prezos públicos exixibles polas prestacións dos servizos de residencia e/ou comedor nos centros de formación da familia marítimo-pesqueira dependentes da Consellería do Mar, e pola matrícula nos cursos de especialización en materia de seguridade, supervivencia e loita contra incendios impartidos na Aula de Seguridade e Salvamento de Ferrol, que quedan da maneira seguinte:
1. Catálogo de prezos públicos en residencias:
Servizo |
Prezo/persoa |
Residencia en pensión completa curso escolar completo |
2.176,02 € |
Residencia en pensión completa por período inferior a un curso escolar |
12,12 €/día |
Xantar por bono semanal de cinco días |
24,85 € |
Xantar diario non regular |
5,50 €/día |
2. Catálogo de prezos públicos de matrícula en cursos na Aula de Seguridade e Salvamento de Ferrol:
Curso |
Prezo |
Formación básica en seguridade (teórico) |
431,21 € |
Prácticas formación básica en seguridade |
320,63 € |
Avanzado en loita contra incendios |
442,25 € |
Embarcacións de supervivencia e botes de rescate (non rápidos) |
497,54 € |
Segundo. Esta resolución producirá efectos desde o día seguinte ao da súa publicación no Diario Oficial de Galicia.
Santiago de Compostela, 31 de maio de 2022
Rosa María Quintana Carballo
Conselleira do Mar