O Xurado Provincial de Clasificación de Montes Veciñais en Man Común de Pontevedra, na sesión celebrada o día 6 de outubro de 2021, acordou iniciar os trámites para a clasificación como veciñal en man común do seguinte monte:

Concello: Redondela.

Parroquia: O Viso.

Nome do monte: Campo de Futbito da Gándara.

Cabida: 1.279 m² aprox. (superficie alegada na solicitude).

Estremas:

Norte: camiño e propiedade de Mario Otero Montero (polígono 6, parcela 2014).

Sur: camiño, propiedade de Claudio López Bouzón (polígono 6, parcela 1098), propiedade descoñecida (polígono 6, parcela 1094) e propiedade de Luis González Míguez (polígono 6, parcela 1092).

Leste: estrada municipal (concello de Redondela).

Oeste: propiedade de Leopoldo López Ortigueira (polígono 6, parcela 1066).

O que se pon en coñecemento de todas as persoas interesadas, indicándolles que se abre un período dun mes para que poidan examinar o expediente e efectuar as alegacións que coiden convenientes, así como achegar os documentos ou informacións que xulguen oportunas, de conformidade co disposto no artigo 23 do Decreto 260/1992, do 4 de setembro, polo que se aproba o Regulamento para a execución da Lei 13/1989, do 10 de outubro, de montes veciñais en man común.

Pontevedra, 13 de xuño de 2022

Xesús Santaló Ríos
Instrutor