No Xulgado do Contencioso-Administrativo número dous de Vigo tramítase o procedemento abreviado número 52/2022, interposto por Alicia López Pedreira contra a Resolución reitoral do 2 de decembro de 2021, pola que se convoca proceso selectivo para ingresar como persoal laboral fixo do grupo I, na categoría de técnico/a superior de relacións institucionais, polo sistema de acceso libre.

O 19 de abril de 2022, o dito xulgado ditou auto en que estimou a solicitude de ampliación do recurso contra a Resolución reitoral do 11 de marzo de 2022, que modifica a convocatoria do proceso selectivo no punto 1 da epígrafe II (acceso libre) da fase de concurso.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado no prazo de nove días, contado a partir do día seguinte ao da publicación desta resolución no Diario Oficial de Galicia, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Vigo, 10 de xuño de 2022

Manuel Joaquín Reigosa Roger
Reitor da Universidade de Vigo