A Xunta de Goberno Local, na sesión que tivo lugar o 8 de xuño de 2022, acordou aprobar inicialmente o documento denominado estudo de detalle para a ordenación do volume edificable no solar nº 50 da rúa Emilio Glez. López, polígono de Los Rosales, A Coruña. Maio 2022, promovido por Desarrolla Obras y Servicios, S.L., redactado por Arqyur, S.C. e asinado polo arquitecto Alfredo Garrote Pazos e as arquitectas Mónica Mesejo Conde e Sara Prieto Hortas.

En cumprimento do artigo 80.2 da Lei 2/2016, do 10 de febreiro, do solo de Galicia, e artigos 194.2 e 207 do seu regulamento, sométese o expediente a información pública polo prazo dun (1) mes contado desde o día seguinte ao da última das publicacións deste anuncio, no Diario Oficial de Galicia ou nun dos xornais de maior difusión na provincia, para que calquera persoa poida examinar o estudo de detalle e formular as alegacións que procedan.

A documentación estará á disposición no taboleiro de anuncios da sede electrónica do concello, na epígrafe información urbanística, na web de Urbanismo, e no visor «Desenvolvemento do Planeamento». Tamén poderá consultarse fisicamente nas dependencias da Área de Urbanismo, Vivenda, Infraestruturas e Mobilidade do Concello da Coruña (praza de Indalecio Prieto, 1-3), das 9.00 ás 13.00 horas, logo de cita que se solicitará por escrito no Rexistro Municipal ou dirixirase ao registrourbanismo@coruna.es.

A Coruña, 9 de xuño de 2022

A alcaldesa
P.D. (Decreto 3847/2019, do 27 de xuño)
María Hernández García
Directora da Área de Urbanismo