Logo de ser vista a proposta elevada polo tribunal cualificador das probas selectivas para o ingreso, por quenda libre, nunha praza da escala técnica de grao medio (subescala I+D, técnico/a en proxectos europeos) da Universidade da Coruña, grupo A, subgrupo A2, convocadas pola Resolución do 4 de novembro de 2019 (DOG do 13 de novembro),

Verificada a concorrencia na aspirante aprobada dos requisitos exixidos nas bases da convocatoria,

De acordo co disposto na Lei 2/2015, do 29 de abril, do emprego público de Galicia; no Decreto 93/1991, do 20 de marzo, polo que se aproba o Regulamento de provisión de postos de traballo, promoción profesional e promoción interna no Decreto 95/1991, do 20 de marzo, polo que se aproba o Regulamento de selección do persoal da Administración da Comunidade Autónoma de Galicia; na Lei orgánica 6/2001, do 21 de decembro, de universidades, modificada pola Lei orgánica 4/2007, do 12 de abril, e nos estatutos da Universidade da Coruña, aprobados polo Decreto 101/2004, do 13 de maio (DOG do 26 de maio), modificados polo Decreto 194/2007, do 11 de outubro.

Esta xerencia, no uso das atribucións que lle confire o artigo 40 dos estatutos desta universidade, e da delegación de competencias operada pola Resolución reitoral do 14 de xaneiro de 2020,

RESOLVE:

Primeiro. Nomear funcionaria de carreira, da escala técnica de grao medio (subescala I+D, técnico/a en proxectos europeos), da Universidade da Coruña, a aspirante aprobada polo sistema de quenda libre que se relaciona no anexo.

Segundo. Para adquirir a condición de funcionaria de carreira, a persoa que se relaciona deberá cumprir os requisitos exixidos no artigo 60 da Lei 2/2015, do 29 de abril, do emprego público de Galicia, e tomar posesión do correspondente posto de traballo no prazo dun mes, contado a partir do día seguinte ao da publicación desta resolución no Diario Oficial de Galicia.

Contra esta resolución, que esgota a vía administrativa, poderase interpoñer recurso contencioso-administrativo no prazo de dous meses, que se contarán desde o día seguinte ao da súa notificación ou publicación, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa. Previamente, e con carácter potestativo, poderase interpoñer recurso de reposición ante esta reitoría, no prazo dun mes, de acordo co establecido no artigo 123 da Lei 39/2015, do 1 de outubro, do procedemento administrativo común das administracións públicas (BOE do 2 de outubro).

A Coruña, 3 de xuño de 2022

Ramón del Valle López
Xerente da Universidade da Coruña

ANEXO

Escala técnica de grao medio (subescala I+D, técnico/a en proxectos europeos), grupo A, subgrupo A2

Nº de orde	DNI	Apelidos e nome	Puntuación total
1	***0171**	Bruynseraede, Valerie Anne	87,84