De conformidade cos artigos 44 e 46 da Lei 39/2015, do 1 de outubro, do procedemento administrativo común das administracións públicas, intentada a notificación do acto administrativo ditado pola Xefatura Territorial no último domicilio coñecido da persoa interesada sen que se puidese efectuar por causas non imputables á Administración, emprázase a persoa citada no anexo ou a través da persoa que a represente debidamente acreditada, para proceder á notificación do referido acto ditado no procedemento competencia desta xefatura territorial. No prazo de dez días (10), contados desde o día seguinte ao da data de publicación deste anuncio no Boletín Oficial del Estado, poderá comparecer nas dependencias do Servizo de Dependencia e Autonomía Persoal da Xefatura Territorial da Consellería de Política Social, na praza da Estrela, s/n, 3º andar, de Vigo, das 9.00 ás 14.00 horas, de luns a venres, para os efectos de coñecer o texto íntegro do dito acto administrativo e advírteselle que, de non facelo así, teráselle por efectuada a notificación ao vencemento do prazo indicado para comparecer.

Este anuncio publicarase no Diario Oficial de Galicia, ben que a notificación quedará supeditada á súa publicación no Boletín Oficial del Estado.

Advírtese que a persoa interesada poderá presentar, no prazo de quince días desde o día seguinte ao da notificación por comparecencia do referido acto, as alegacións e/ou documentos que considere pertinentes.

Vigo, 19 de abril de 2022

María José Pérez-Izaguirre López
Xefa territorial de Vigo

ANEXO

Procedemento/nº de expediente	Persoa interesada DNI	Acto obxecto de notificación	Data do acto administrativo
BS210A/VI-50901	Y3685740G	Acordo de suspensión cautelar	5.11.2021