DOG 110 do 9/06/2022 - ANUNCIO do 1 de xuño de 2022 polo que se dá publicidade á resolución da mesma data pola que se convoca o concurso público para a contratación de persoal docente (CPD19).

VI. Anuncios

c) Outros anuncios

Centro Universitario da Defensa - Escola Naval Militar de Marín

ANUNCIO do 1 de xuño de 2022 polo que se dá publicidade á resolución da mesma data pola que se convoca o concurso público para a contratación de persoal docente (CPD19).

A Dirección do Centro Universitario da Defensa na Escola Naval Militar (en diante, CUD-ENM), no uso das súas competencias e logo de ser recibida a resolución conxunta dos ministerios de Facenda e de Política Territorial e de Función Pública, do 7 de xuño de 2019, pola que se autoriza a contratación de profesorado temporal, resolve que se proceda ao anuncio da convocatoria de concurso público, polo procedemento de urxencia, para cubrir as necesidades docentes existentes mediante a contratación, en réxime laboral de persoal docente, para as seguintes categorías:

Categoría	Número de prazas
Axudante/a de doutor/a	1

Este concurso rexerase polo disposto na Lei orgánica 6/2001, do 21 de decembro, de universidades (LOU), modificada pola Lei orgánica 4/2007, do 12 de abril; así como polo Real decreto 898/1985, do 30 de abril, sobre réxime do profesorado universitario; a Lei 39/2015, do 1 de outubro, do procedemento administrativo común das administracións públicas (en diante, Lei 39/2015); a Lei 40/2015, do 1 de outubro, do réxime xurídico do sector público (en diante, Lei 40/2015), e pola normativa reguladora do procedemento para a provisión de prazas de persoal docente e investigador do CUD-ENM, aprobada na reunión do Padroado do 8 de marzo de 2010.

A información completa (bases da convocatoria, modelo de solicitude, etc.) pode consultarse no taboleiro de anuncios do Centro Universitario da Defensa na Escola Naval Militar (praza de España, s/n, 36920 Marín, Pontevedra), así como na páxina web do CUD-ENM (https://cud.uvigo.es/-Persoal-Concursos-Concursos de profesorado-Décimo noveno concurso de persoal docente contratado (código CPD19).

O prazo de presentación de solicitudes é de vinte días hábiles contados a partir do día seguinte ao da publicación deste anuncio no Diario Oficial de Galicia e deben dirixilas ao director do CUD-ENM no modelo oficial, obrigatoriamente xunto cos documentos acreditativos previstos na convocatoria.

Marín, 1 de xuño de 2022

José Martín Davila
Director do Centro Universitario da Defensa
na Escola Naval Militar de Marín