O artigo 15 da Lei 1/2016, do 18 de xaneiro, de transparencia e bo goberno (DOG núm. 30, do 15 de febreiro) impón a cada consellería da Xunta de Galicia a obriga de publicar no Diario Oficial de Galicia unha relación dos convenios de colaboración subscritos no cuadrimestre anterior.
En consecuencia, e para dar cumprimento a esa obriga,
DISPOÑO:
Artigo único
Dar publicidade á relación dos convenios subscritos pola Consellería do Medio Rural nos meses de xaneiro, febreiro, marzo e abril, que se incorpora como anexo a esta resolución.
Santiago de Compostela, 24 de maio de 2022
Nicolás Vázquez Iglesias
Secretario xeral técnico da Consellería do Medio Rural
ANEXO
Convenios de colaboración subscritos pola Consellería do Medio Rural
nos meses de xaneiro, febreiro, marzo e abril do ano 2022
|
Título |
Obxecto |
Data da sinatura |
Achega económica da consellería (€) |
|
Acordo de colaboración entre o Instituto Galego do Consumo e da Competencia, a Consellería de Emprego e Igualdade, a Consellería do Medio Rural e a Consellería do Mar para o desenvolvemento de actuacións de recompilación, análise e difusión de información relativa á cadea alimentaria |
Regular o marco de colaboración entre as partes asinantes para a realización conxunta de actividades de recompilación, análise e difusión de información relativa á cadea alimentaria. |
8.4.2022 |
Sen achega económica |
|
Acordo de colaboración entre a Consellería do Medio Rural e a Consellería de Medio Ambiente, Territorio e Vivenda para o desenvolvemento dun sistema de información e predición meteorolóxica para a xestión de incendios |
Regular o marco común de colaboración entre a Consellería do Medio Rural e a Consellería de Medio Ambiente, Territorio e Vivenda para o desenvolvemento dun sistema de información e predición meteorolóxica para a xestión de incendios, así como a súa integración na aplicación da Consellería do Medio Rural para a xestión en tempo real dos incendios forestais. |
9.2.2022 |
150.000,00 € |
|
Cuarta addenda ao convenio de colaboración entre a Consellería do Medio Rural da Xunta de Galicia, a Axencia para a Modernización Tecnolóxica de Galicia e Redes de Telecomunicación Galegas Retegal, S.A. para o despregamento da Rede de vixilancia dos espazos forestais de Galicia, cofinanciado parcialmente polo Fondo Europeo Agrícola de Desenvolvemento Rural (Feader) no marco do PDR de Galicia 2014-2020 |
Reaxústase o orzamento correspondente ás instalacións financiadas pola Consellería do Medio Rural, detraendo a parte non executada no exercicio 2021 para incorporala ao exercicio 2022. |
21.3.2022 |
276.968,00 € |
|
Convenio entre a Consellería do Medio Rural e o Concello de Lourenzá para a concesión dunha axuda para a xestión do Centro de limpeza e desinfección de vehículos de transporte no sector gandeiro |
Establecer as condicións en que se concederá unha axuda ao Concello de Lourenzá para conservar e explotar o Centro de limpeza e desinfección de vehículos de transporte no sector gandeiro existente no dito concello. |
5.1.2022 |
24.000,00 € |
|
Convenio entre a Consellería do Medio Rural e o Concello de Xinzo de Limia para a concesión dunha axuda para a xestión do Centro de limpeza e desinfección de vehículos de transporte no sector gandeiro |
Establecer as condicións en que se concederá unha axuda ao Concello de Xinzo de Limia para conservar e explotar o Centro de limpeza e desinfección de vehículos de transporte no sector gandeiro existente no dito concello. |
12.1.2022 |
24.000,00 € |
|
Addenda ao convenio de colaboración entre a Consellería do Medio Rural da Xunta de Galicia e as comunidades de regantes de Lamas-Ganade, Corno do Monte, Alta Limia e San Salvador de Sabucedo para a modernización de regadíos |
Estender as obras seis meses (ata o ano 2023) e reaxustar o seu financiamento ás anualidades de 2022 e 2023. |
5.4.2022 |
Sen achega económica |
