De conformidade co disposto na Lei orgánica 6/2001, do 21 de decembro, de universidades (BOE do 24 de decembro), modificada pola Lei orgánica 4/2007, do 12 de abril (BOE do 13 de abril), en diante LOU, no Decreto 266/2002, do 6 de setembro (DOG do 17 de setembro), da Xunta de Galicia, sobre contratación de profesorado universitario, no II Convenio colectivo para o persoal docente e investigador das universidades da Coruña, Santiago de Compostela e Vigo, e polo establecido nos estatutos da Universidade de Santiago de Compostela, aprobados polo Decreto 14/2014, do 30 de xaneiro (DOG do 12 de febreiro), da Xunta de Galicia, esta reitoría resolve anunciar a convocatoria de concurso público para a contratación de persoal docente e investigador na seguinte categoría:
Listas de agarda nas áreas de Medicina e Cirurxía Animal, Sanidade Animal, Xenética, Bioquímica e Bioloxía Molecular, Comercialización e Investigación de Mercados e Organización de Empresas.
A información completa (bases da convocatoria, modelo de solicitude, etc.) pode consultarse no taboleiro electrónico da USC e na páxina web https://www.usc.gal/gl/servizos/profesorado/Prazas-PDI/contratados.html
O prazo de presentación de solicitudes é de dez días hábiles contados desde o día seguinte ao da publicación do presente anuncio no Diario Oficial de Galicia.
Santiago de Compostela, 25 de maio de 2022
O reitor da Universidade de Santiago de Compostela
P.D. (Resolución do 21.4.2022, DOG do 26 de abril)
Ernesto González Seoane
Vicerreitor de Profesorado