– Antecedentes:

1. Mediante escrito do 21 de abril de 2022, Ramón Formoso Vidal solicita autorización para transmisión mortis causa da concesión administrativa e da batea Bruma VI.

2. O solicitante presenta a documentación requirida para a tramitación deste tipo de procedemento.

– Consideracións legais e técnicas:

1. A competencia para ditar esta resolución corresponde á conselleira do Mar, de conformidade co disposto na Orde do 15 de xuño de 1999 pola que se regula o procedemento para a transmisión da titularidade das concesións dos viveiros de cultivos mariños nas augas de Galicia. En virtude da Orde do 21 de febreiro de 2022, de delegación de competencias, delégase esta competencia nas persoas titulares das xefaturas territoriais da Consellería do Mar.

2. A Lei 2/2006, do 14 xuño, de dereito civil de Galicia, no seu artigo 209 e seguintes, regula os pactos sucesorios como negocios mortis causa, e coa forma de pactos de apartación ou pactos de mellora.

3. O expediente tramitouse de conformidade co disposto na Lei 39/2015, do 1 de outubro, do procedemento administrativo común das administracións públicas, coas especialidades previstas na Lei 11/2008, do 3 de decembro, de pesca marítima de Galicia, e no Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia, e na Orde do 15 de xuño de 1999 pola que se regula o procedemento para a transmisión da titularidade das concesións de viveiros de cultivos mariños nas augas de Galicia.

En virtude do exposto, resolvo:

Autorizar a transmisión mortis causa, a favor de Ramón Formoso Vidal (***9443**), da concesión administrativa e da batea que se indican a seguir:

Identificación:

Tipo: batea.

Nome: Bruma VI.

Situación:

Cuadrícula nº: 4.

Polígono: B.

Distrito: Muros (A Coruña).

Especies autorizadas: mexillón (Mytilus galloprovincialis).

Título administrativo habilitante: concesión de actividade.

Orde de outorgamento: 11.3.1964.

Remate da vixencia: 15.12.2029.

Actuais titulares: José Antonio Formoso Moledo (***4062**) e Carmen Vidal Fernández (***1875**).

Novo titular: Ramón Formoso Vidal (***9443**).

O novo titular da concesión administrativa queda subrogado nos dereitos e obrigas dos anteriores desde o momento da publicación no DOG desta resolución.

Contra esta resolución, que esgota a vía administrativa, poderase interpoñer recurso potestativo de reposición no prazo dun mes ante a conselleira do Mar, ou recurso contencioso-administrativo, ante a xurisdición contencioso-administrativa, no prazo de dous meses, contados en ambos os dous casos desde o día seguinte ao da súa notificación, de conformidade co disposto no artigo 123 da Lei 39/2015, do 1 de outubro, e no artigo 46.1 da Lei 29/1998, do 13 de xullo, reguladora da xurisdición contencioso-administrativa.

A Coruña, 12 de maio de 2022

A conselleira do Mar
P.D. (Orde do 21.2.2022)
María José Cancelo Baquero
Xefa territorial da Coruña