A Lei orgánica 3/2020, do 29 de decembro, pola que se modifica a Lei orgánica 2/2006, do 3 de maio, de educación, configura unha nova organización e currículo da educación secundaria obrigatoria e do bacharelato que implica a desaparición ou cambio de denominación dalgunha das materias existentes no sistema educativo anterior e a aparición de novas materias.
De conformidade coa Lei 39/2015, do 1 de outubro, de procedemento administrativo común das administracións públicas, no exercicio da potestade regulamentaria, as administracións públicas actuarán de acordo cos principios de necesidade, eficacia, proporcionalidade, seguridade xurídica, transparencia, e eficiencia.
Xa que logo, en aplicación dos principios de necesidade, eficacia, eficiencia, seguridade xurídica, transparencia e, sen dúbida, de eficiencia para evitar cargas administrativas innecesarias como a que suporía a formulación dunha nova solicitude de habilitación para as persoas que posúen unha formación de educación superior adecuada acreditada mediante a preceptiva resolución de habilitación que lles permite impartir o currículo das novas materias establecidas, procede habilitar de oficio a estas persoas de acordo coas correspondencias establecidas no anexo desta orde. Así mesmo, habilitarase de oficio a todas as persoas que posúan unha resolución de habilitación de materias que manteñen no novo sistema a mesma denominación do anterior sistema educativo.
Pola súa vez, as persoas que non posúan unha resolución de habilitación que lles permita a habilitación de oficio nas novas materias ou naquelas que manteñen a mesma denominación, poderán solicitar a habilitación nestas materias nos prazos de presentación de solicitudes establecidos no artigo 13 da Orde do 22 de xullo de 2020 pola que se desenvolve a normativa para o exercicio da docencia nos centros privados nas ensinanzas de educación infantil, primaria, secundaria obrigatoria, bacharelato e formación profesional, e se establece o procedemento de habilitación (código de procedemento ED302B).
Na súa virtude, a Consellería de Cultura, Educación, Formación Profesional e Universidades,
DISPÓN:
Artigo único. Modificación da Orde do 22 de xullo de 2020 pola que se desenvolve a normativa para o exercicio da docencia nos centros privados nas ensinanzas de educación infantil, primaria, secundaria obrigatoria, bacharelato e formación profesional, e se establece o procedemento de habilitación (código de procedemento ED302B)
Aprobar a modificación da Orde do 22 de xullo de 2020 pola que se desenvolve a normativa para o exercicio da docencia nos centros privados nas ensinanzas de educación infantil, primaria, secundaria obrigatoria, bacharelato e formación profesional, e se establece o procedemento de habilitación (código de procedemento ED302B) nos seguintes termos:
Engádese unha nova disposición adicional novena coa seguinte redacción:
«Disposición adicional novena. Habilitación de oficio
1. As persoas habilitadas para impartir docencia nos centros privados nas materias da Lei orgánica 8/2013, do 9 de decembro, para a mellora da calidade educativa, serán habilitadas, de oficio, nas novas materias da educación secundaria obrigatoria e/ou do bacharelato da Lei orgánica 3/2020, do 29 de decembro, pola que se modifica a Lei orgánica 2/2006, do 3 de maio, de educación segundo as correspondencias que se relacionan no anexo desta orde. Cando a habilitación que se posúa sexa para centro e materia, ou para unha etapa educativa, a nova habilitación manterá as mesmas condicións.
2. As persoas habilitadas para impartir docencia nos centros privados nas materias da Lei orgánica 8/2013, do 9 de decembro, para a mellora da calidade educativa serán habilitadas, de oficio, nas materias da educación secundaria obrigatoria e/ou do bacharelato cuxa denominación sexa coincidente coas da Lei orgánica 3/2020, do 29 de decembro, pola que se modifica a Lei orgánica 2/2006, do 3 de maio, de educación nas mesmas condicións da habilitación anterior».
Disposición derradeira primeira. Autorización de desenvolvemento
Autorízase a Dirección Xeral de Centros e Recursos Humanos para ditar as disposicións que sexan necesarias para a execución e desenvolvemento desta orde.
Disposición derradeira segunda. Entrada en vigor
Esta orde entrará en vigor o día seguinte ao da súa publicación no Diario Oficial de Galicia.
Santiago de Compostela, 27 de maio de 2022
Román Rodríguez González
Conselleiro de Cultura, Educación, Formación Profesional e Universidades
ANEXO
Habilitacións LOMCE (Lei orgánica 8/2013, do 9 de decembro, para a mellora da calidade educativa) |
Habilitacións LOMLOE (Lei orgánica 3/2020, do 29 de decembro, pola que se modifica a Lei orgánica 2/2006, do 3 de maio, de educación) |
Bioloxía e xeoloxía (ESO/BTO) |
Bioloxía, Xeoloxía e Ciencias Ambientais (BTO) |
Física (BTO) |
Ciencias Xerais (BTO) |
Bioloxía (BTO) |
Ciencias Xerais (BTO) |
Música (ESO) |
Coro e Técnica Vocal (BTO) |
Linguaxe e Práctica Musical (BTO) |
Coro e Técnica Vocal (BTO) |
Debuxo técnico (BTO) |
Debuxo Técnico Aplicado ás Artes Plásticas e ao Deseño (BTO) |
Economía (ESO/BTO) |
Empresa e Deseño de Modelos de Negocio (BTO) |
Economía (ESO/BTO) |
Economía, Emprendemento e Actividade Empresarial (BTO) |
Economía (ESO/BTO) |
Economía e Emprendemento (ESO) |
Fundamentos da Arte (BTO) |
Fundamentos Artísticos (BTO) |
Lingua Castelá e Literatura (ESO/BTO) |
Literatura Dramática (BTO) |
Lingua Galega e Literatura (ESO/BTO) |
Literatura Dramática (BTO) |
Matemáticas (ESO/BTO) |
Matemáticas Xerais (BTO) |
Matemáticas orientadas ás ensinanzas aplicadas (ESO) |
Matemáticas A (ESO) |
Matemáticas orientadas ás ensinanzas académicas (ESO) |
Matemáticas B (ESO) |
Debuxo artístico (BTO) |
Movementos Culturais e Artísticos (BTO) |
Historia da Arte (BTO) |
Movementos Culturais e Artísticos (BTO) |
Tecnoloxía ESO |
Educación Dixital (ESO) |
Tecnoloxía ESO |
Tecnoloxía e Enxeñaría (BTO) |
Tecnoloxía ESO |
Tecnoloxía e Dixitalización (ESO) |
Tecnoloxía ESO |
Dixitalización (ESO) |
Valores Éticos ESO |
Educación en Valores Cívicos e Éticos (ESO) |
Xeografía e historia de Galicia (BTO) |
Xeografía, Historia, Arte e Patrimonio de Galicia (BTO) |
Patrimonio artístico e cultural de Galicia (BTO) |
Xeografía, Historia, Arte e Patrimonio de Galicia (BTO) |
Xeoloxía BTO |
Xeoloxía e Ciencias Ambientais (BTO) |
Debuxo artístico BTO |
Proxectos Artísticos BTO |
Filosofía ESO/BTO |
Formación e Orientación Persoal e Profesional ESO |