Mediante a Resolución do 29 de marzo de 2022, da Dirección Xeral de Planificación Enerxética e Recursos Naturais, fíxose público o Acordo do Consello da Xunta de Galicia, do 17 de marzo de 2022, polo que se outorga autorización administrativa previa, autorización administrativa de construción e se declara a utilidade pública, en concreto, así como a compatibilidade con diversos aproveitamentos forestais, das instalacións relativas ao proxecto do parque eólico Acibal, sito nos concellos de Barro, Campo Lameiro e Moraña, promovido pola sociedade Norvento, S.L. (expediente IN661A 2010/6-4).
De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, mediante este anuncio emprázanse os interesados que figuran no anexo para seren notificados por comparecencia, por non ter sido posible practicar a notificación prevista na citada norma, despois dos intentos efectuados.
As persoas interesadas, ou os seus representantes legais, deberán comparecer no prazo de dez (10) días hábiles, contados desde o seguinte ao da publicación deste anuncio, na sede da Dirección Xeral de Planificación Enerxética e Recursos Naturais, sita no Edificio Administrativo San Caetano, s/n, bloque 5, 4º andar, en Santiago de Compostela, das 9.00 ás 14.00 horas, de luns a venres. A eficacia deste anuncio queda supeditada á súa publicación no taboleiro de edictos único (TEU) do Boletín Oficial del Estado.
Transcorrido o prazo indicado no parágrafo anterior sen se efectuar a comparecencia, a notificación entenderase producida desde o día seguinte ao do vencemento do prazo sinalado para comparecer.
Santiago de Compostela, 11 de maio de 2022
Paula Uría Traba
Directora xeral de Planificación Enerxética e Recursos Naturais
ANEXO
Persoa/s interesada/s |
Acto que se notifica |
MVMC de Sorrego Portopereiro |
Autorización administrativa previa, autorización de construción e declaración, en concreto, de utilidade pública |
César Pérez Gestido, en representación da Asociación do Monte Galego |
Autorización administrativa previa, autorización de construción e declaración, en concreto, de utilidade pública |
María Brasilia Louro Lago, en representación do Comité de Defensa das Rías Altas |
Autorización administrativa previa, autorización de construción e declaración, en concreto, de utilidade pública |
Alicia López Pardo |
Autorización administrativa previa, autorización de construción e declaración, en concreto, de utilidade pública |