Visto o expediente para autorización administrativa previa e de construción para a instalación eléctrica que a continuación se describe:
Peticionario: Begasa.
Domicilio social: rúa Aller Ulloa, Ramón María, nº 9, 27003 Lugo.
Denominación: 75932 traslado LMT e CT na rúa dos Canteiros-Frain-Lugo.
Situación: concello de Lugo.
Características técnicas principais:
• Liña soterrada de media tensión a 20 kV Ceao 1, con orixe no CS 5696 Cash Galicia e final no novo CT rúa dos Canteiros, cunha lonxitude de 40 metros en condutor RHZ1-240 mm, empalme de liñas soterradas de media tensión existentes para formar o tramo de liña entre o CT proxectado rúa dos Canteiros e o CT 10978 Ceao 11 e desprazamento de 22 metros de liña existente.
• CT prefabricado na rúa dos Canteiros, no cal se instala a aparellaxe retirada do CT 13121 Ceao 10, (transformador de 400 kVA, dúas celas de liña, unha de protección de transformador e cadro de baixa tensión, máis ampliación).
• Desmontaxe da aparellaxe e demolición da caseta do CT 13121 Ceao 10; desmóntase tamén e 35 metros de LAT soterrada.
Finalidade da instalación: mellora de instalacións.
Orzamento: 41.069,48 euros.
Documentación que se acompaña:
• Separata para o Concello de Lugo.
Esta xefatura territorial, de acordo cas competencias que resultan do Decreto 230/2020, do 23 de decembro, polo que se establece a estrutura orgánica da consellería, e tendo en conta o Decreto 9/2017, do 12 de xaneiro, sobre órganos competentes para autorización de instalacións eléctricas na Comunidade Autónoma de Galicia, resolve:
En relación coa instalación de alta tensión, conceder a autorización administrativa previa e de construción ás ditas instalacións sen prexuízo de terceiros e con independencia das autorizacións que sexan necesarias para a execución da obra por parte doutros órganos da Administración, condicionado ao cumprimento das seguintes condicións:
Primeira. As instalacións deberán axustarse na súa execución ao disposto no citado proxecto de execución, e a dirección de obra deberá realizarse por técnico competente.
Segunda. O peticionario asegurará o mantemento e vixilancia correcta das instalacións durante a construción e despois da súa posta en servizo, co fin de garantir que en todo momento se manterán as condicións regulamentarias de seguridade.
Terceira. En todo momento deberán cumprirse as normativas e directrices vixentes que sexan de aplicación, en particular, canto establece a Lei 24/2013, do 26 de decembro, do sector eléctrico; o Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas da alta tensión e as súas instrucións técnicas complementarias, e o Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias.
O prazo de posta en marcha das instalacións que se autorizan será de doce meses, contados a partir da data da última autorización administrativa necesaria para a súa execución.
Contra esta resolución poderase interpor recurso de alzada ante o vicepresidente segundo e conselleiro de Economía, Empresa e Innovación no prazo dun mes, a partir do día seguinte ao da notificación ou publicación desta resolución; tamén se poderá interpor calquera outro recurso que se considere pertinente ao seu dereito.
Lugo, 12 de maio de 2022
Gustavo José Casasola de Cabo
Xefe territorial de Lugo