A Autoridade Portuaria de Vigo, ao abeiro do establecido no Real decreto 939/2020, do 27 de octubre, e o Real decreto 636/2021, do 27 de xullo, polos que se aproban as ofertas de emprego público para os anos 2020 e 2021, realiza convocatoria para cubrir dúas prazas de persoal laboral fixo suxeito a convenio colectivo mediante contrato de remuda indefinido a tempo completo polo procedemento de concurso-oposición:

– 1 praza de encargado de mantemento (GII BII N6).

– 1 praza de administrativo (GIII BII N3).

As bases da convocatoria e os impresos de solicitude están dispoñibles na páxina web da Autoridade Portuaria de Vigo www.apvigo.es, na páxina web de Portos do Estado www.puertos.es e na páxina www.administracion.gob.es

Os/as aspirantes disporán dun prazo de vinte (20) días hábiles contados a partir do día seguinte ao da publicación do anuncio da convocatoria no Diario Oficial de Galicia para a presentación de solicitudes.

Vigo, 20 de maio de 2022

Jesús Vázquez Almuíña
Presidente da Autoridade Portuaria de Vigo