Logo de ser visto o expediente e ser instruído para os efectos de outorgamento de autorización para a permuta de puntos de fondeadura entre as bateas Pica e Loli, apreciáronse os seguintes:
a) Antecedentes:
Primeiro. Mediante escrito do 3 de marzo de 2022, José Antonio Estévez Rey (***3280**), Juventina Soutullo Lores (***0791**) e Joaquín Fariña, S.L. (B36050060) solicitaron autorización para a permuta de puntos de fondeadura entre as bateas denominadas Pica e Loli.
Segundo. As persoas interesadas achegaron a documentación requirida para a tramitación neste tipo de procedementos.
Terceiro. No expediente constan os informes técnicos favorables.
b) Consideracións legais e técnicas:
Primeira. Este órgano é competente para resolver o expediente de conformidade coa Lei 11/2008, do 3 de decembro, de pesca de Galicia, e coa Orde do 21 de febreiro de 2022, sobre delegación de competencias en diversos órganos de dirección da Consellería do Mar e na Presidencia da entidade pública empresarial Portos de Galicia (DOG núm. 41, do 1 de marzo).
Segunda. O expediente seguiu todos os trámites establecidos no procedemento administrativo común, coas especialidades previstas no Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia, e na Orde do 18 de abril de 2001, pola que se regula o procedemento que rexerá a permuta de puntos de fondeadura e os cambios de sistema, localización e cultivo nos viveiros de cultivos mariños.
Logo de se veren os antecedentes citados, e de acordo coas consideracións legais e técnicas, esta consellería resolve outorgarlles a José Antonio Estévez Rey (***3280**), Juventina Soutullo Lores (***0791**) e Joaquín Fariña, S.L. (B36050060) a autorización para a permuta de puntos de fondeadura entre os viveiros de cultivos mariños que se indican:
Subtipo: batea.
Nome: Pica.
Especies: ostra plana (Ostrea edulis) e, con carácter temporal e experimental, ostra rizada (Magallana gigas).
Localización: cuadrícula nº 23.
Polígono: F.
Distrito: O Grove (Pontevedra).
Remate da vixencia: 15.12.2029.
Titulares: José Antonio Estévez Rey (***3280**) e Juventina Soutullo Lores (***0791**).
Subtipo: batea.
Nome: Loli.
Especies: ameixa babosa (Venerupis pullastra), ameixa fina (Ruditapes decussatus), ostra plana (Ostrea edulis), ostra rizada (Magallana gigas) e vieira (Pecten maximus).
Localización: cuadrícula nº 96.
Polígono: A.
Distrito: O Grove (Pontevedra).
Remate da vixencia: 15.12.2029.
Titular: Joaquín Fariña, S.L. (B36050060).
Baixo as seguintes condicións:
Primeira. Como consecuencia da permuta modifícanse as localizacións dos títulos habilitantes, que quedan como se indica:
Subtipo: batea.
Nome: Pica.
Localización: cuadrícula nº 96.
Polígono: A.
Distrito: O Grove (Pontevedra).
Subtipo: batea.
Nome: Loli.
Localización: cuadrícula nº 23.
Polígono: F.
Distrito: O Grove (Pontevedra).
Segunda. As bateas afectadas deberán adaptarse ás condicións dos polígonos de destino.
Terceira. A permuta realizarase no prazo máximo de tres (3) meses contados desde o día seguinte ao da publicación no Diario Oficial de Galicia desta resolución. Rematado o prazo indicado para a realización da permuta sen que esta se levase a cabo, a autorización quedará sen efecto.
Cuarta. As bateas contarán coa pertinente autorización dos organismos competentes na materia para o traslado á nova localización.
Quinta. As datas de fondeadura deberán ser comunicadas con antelación suficiente, mediante escrito dirixido á xefatura correspondente desta consellería en Vilagarcía de Arousa, para os efectos de que se realicen baixo a supervisión e o control de persoal técnico pertencente á Subdirección Xeral de Gardacostas de Galicia.
Contra esta resolución, que esgota a vía administrativa, poderase interpoñer recurso potestativo de reposición no prazo dun mes, ante a conselleira do Mar, ou recurso contencioso-administrativo, ante a xurisdición contencioso-administrativa, no prazo de dous meses, contados en ambos os dous casos desde o día seguinte ao da súa publicación, de conformidade co disposto no artigo 123 da Lei 39/2015, do 1 de outubro, do procedemento administrativo común das administracións públicas, e o artigo 46.1 da Lei 29/1998, do 13 de xullo, reguladora da xurisdición contencioso-administrativa.
Vigo, 28 de abril de 2022
A conselleira do Mar
P.D. (Orde do 21.2.2022)
Sonia Lorenzo Santos
Xefa territorial de Vigo
