Mediante a Resolución reitoral do 26 de novembro de 2021, publicada no Diario Oficial de Galicia do 14 de decembro de 2021, convócanse probas selectivas para cubrir sesenta e cinco prazas na categoría profesional de auxiliar técnico/a de servizos, polas quendas de promoción interna e de acceso libre, e noméase o tribunal cualificador das ditas probas selectivas.
Na base 5.5 da dita resolución disponse que a autoridade convocante publicará no Diario Oficial de Galicia a resolución pola que se nomean os novos membros que teñan que substituír os que perdesen a súa condición por algunha das causas previstas.
De conformidade coa mencionada base, como consecuencia da concorrencia de causa de abstención nun dos seus membros, o reitor
RESOLVE:
Primeiro. Aceptar a renuncia presentada por Ana María Cepeda Lueiro, nomeada vogal titular do tribunal cualificador.
Segundo. Nomear a Carlos Casado Martíns, persoal laboral fixo do grupo IV1 da USC, como vogal titular en substitución de Ana María Cepeda Lueiro.
Terceiro. Nomear a Xosé Ramón Blanco Montero, persoal laboral fixo do grupo IV1 da USC, como vogal suplente en substitución de Carlos Casado Martíns.
Contra a presente resolución, que esgota a vía administrativa, poderase interpor recurso contencioso-administrativo ante o Xulgado do Contencioso-Administrativo de Santiago de Compostela, no prazo de dous meses contados desde o día seguinte ao da súa publicación, de conformidade co disposto na Lei 29/1998, do 13 de xullo, reguladora da xurisdición contencioso-administrativa.
Non obstante, as persoas interesadas poderán interpoñer recurso potestativo de reposición no prazo dun mes perante o órgano que a ditou. Neste caso non se poderá interpor o recurso contencioso-administrativo citado mentres non se dite resolución expresa ou presunta do recurso administrativo de reposición, ao abeiro dos artigos 123 e seguintes da Lei 39/2015, do 1 de outubro, do procedemento administrativo común das administracións públicas.
Santiago de Compostela, 11 de maio de 2022
Antonio López Díaz
Reitor da Universidade de Santiago de Compostela