En cumprimento do disposto na Lei 24/2013, do 26 de decembro, do sector eléctrico; na Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental, modificada pola Lei 5/2017, do 19 de outubro, de fomento da implantación de iniciativas empresariais en Galicia, e pola Lei 9/2021, do 25 de febreiro, de simplificación administrativa e de apoio á reactivación económica de Galicia, e no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica; sométese a información pública a solicitude relacionada coa instalación que se describe a continuación:
Solicitante: Montouto 2000, S.A.
Denominación do proxecto: ampliación da subestación Montouto.
Concello afectado: Arbo (Pontevedra).
Finalidade: habilitar a subestación de Montouto para a evacuación da enerxía xerada pola ampliación de potencia do actual parque Montouto 2000 en 7,95 MW e para a conexión dos futuros parques Paradanta 16,8 MW (expediente IN408A 2019/48) e O Sobredo 18 MW (expediente IN661A 2011/5-4).
Obxecto: ampliación da capacidade de transformación, coa substitución dos dous actuais transformadores de potencia de 31,5 MVA por un único transformador de 110 MVA, e conectando a el as dúas actuais cabinas de 20 kV. A conexión dos novos parques realizarase a través dun novo centro de seccionamento, prefabricado monobloque, que se instalará no recinto da subestación, conectado tamén ao novo transformador de potencia.
Coordenadas do centro de seccionamento:
Nº de vértice envolvente |
X_UTM (H29 ETRS89) |
Y_UTM (H29 ETRS89) |
Termo municipal |
P1 |
556.830,00 |
4.663.824,00 |
Arbo |
P2 |
556.828,00 |
4.663.823,00 |
Arbo |
P3 |
556.826,00 |
4.663.827,00 |
Arbo |
P4 |
556.829,00 |
4.663.828,00 |
Arbo |
Orzamento (sen IVE): 1.864.795,12 €.
Órgano competente: o órgano competente para autorizar o proxecto da referida instalación eléctrica é a Dirección Xeral de Planificación Enerxética e Recursos Naturais.
De acordo co disposto no artigo 33 da Lei 8/2009, do 22 de decembro, e polas demais normas de aplicación relacionadas ao inicio desta resolución, constitúe o obxecto da información pública o proxecto técnico administrativo.
O que se fai público de conformidade co artigo 33.10 da Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental, modificada pola Lei 5/2017, do 19 de outubro, de fomento da implantación de iniciativas empresariais en Galicia, e pola Lei 9/2021, do 25 de febreiro, de simplificación administrativa e de apoio á reactivación económica de Galicia, para coñecemento xeral e para que todas aquelas persoas, naturais ou xurídicas, que se consideren prexudicadas nos seus dereitos poidan presentar as súas alegacións, no prazo de trinta (30) días contados a partir do día seguinte ao da última publicación desta resolución.
Atendendo ás medidas preventivas fronte ao coronavirus COVID-19, a consulta da documentación realizarase preferentemente a través da seguinte ligazón da web da Vicepresidencia Segunda e Consellería de Economía, Empresa e Innovación: https://ceei.xunta.gal/transparencia/documentos-sometidos-a-informacion-publica, na epígrafe de instalacións de xeración. A atención será telefónica no número 986 80 52 39.
Cando sexa indispensable a atención presencial, poderase acudir á Xefatura Territorial da Vicepresidencia Segunda e Consellería de Economía, Empresa e Innovación de Pontevedra (avenida Mª Victoria Moreno, nº 43, 5º, 36071 Pontevedra), mediante cita previa no número de teléfono indicado.
Pontevedra, 3 de maio de 2022
Tomás Nogueiras Nieto
Xefe territorial de Pontevedra