En cumprimento do disposto na Lei 24/2013, do 26 de decembro, do sector eléctrico, no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e na Lei 9/2021, do 25 de febreiro, de simplificación administrativa e de apoio á reactivación económica de Galicia, sométese a información pública a solicitude relacionada coas instalacións que se describen a seguir:
Solicitante: UFD Distribución Electricidad, S.A.
Domicilio social: avenida San Luis, nº 77 28033 Madrid.
Denominación: LMT regulamentación CNO807 nos apoios AX6IP097//16 e AX88C389//17.
Situación: concello do Carballiño.
Características principais recollidas no proxecto:
• Reforma da LMTA CNO806 Ourense-7, a 20 kV, coa substitución dos apoios de tipo HV con matrículas: AX6IP097//16 e AX88C389/17, por deterioración, por apoios de celosía metálica e cambio de condutor a LA-110 en tramo afectado de 183 m de lonxitude.
O obxecto da información pública será a autorización administrativa previa, a autorización administrativa de construción e a declaración de utilidade pública, en concreto, da citada instalación eléctrica. A declaración de utilidade pública levará implícita, de acordo co artigo 56 da Lei 24/2013, do 26 de decembro, do sector eléctrico, a necesidade da urxente ocupación para os efectos da expropiación forzosa dos bens e dereitos afectados necesarios para o establecemento destas instalacións.
Documentación que se expón:
1. O proxecto de execución, asinado polo enxeñeiro técnico industrial Sergio Rodríguez Rodríguez, colexiado núm. 482 do COITIOU, o 8.11.2021.
2. A relación concreta e individualizada dos propietarios de bens e de dereitos afectados que figura no anexo a este acordo.
3. Planos parcelarios do proxecto.
O que se fai público, para o coñecemento xeral, así como, en particular, dos propietarios dos predios que figuran na relación anexa a este acordo, e das persoas que, sendo titulares de dereitos reais ou intereses económicos sobre os bens afectados, fosen omitidas, para que poidan examinar a documentación técnica anteriormente relacionada e, se for o caso, presentar as alegacións ou observacións que coiden oportunas dentro do prazo de trinta (30) días, que se contará a partir do día seguinte ao da publicación deste acordo no Diario Oficial de Galicia.
Toda a documentación poderase examinar nesta Xefatura Territorial da Vicepresidencia Segunda e Consellería de Economía, Empresa e Innovación de Ourense, rúa Curros Enríquez, nº 1, 32003 Ourense, e na seguinte ligazón web da Consellería:
http://ceei.xunta.gal/transparencia/documentos-sometidos-a-informacion-publica
Ourense, 6 de abril de 2022
Pablo Fernández Vila
Xefe territorial de Ourense
ANEXO
Relación de bens e de dereitos afectados
Núm. de expediente: IN407A 2022/34-3.
Termo municipal: O Carballiño.
Denominación da instalación: LMT regulamentación CNO807 nos apoios AX6IP097//16 e AX88C389//17.
Predio núm. en proxecto: 1, referencia catastral: 32020A05500960.
Lugar: Estibadas.
Cultivo: monte baixo.
Titular: Pablo Otero Maril.
Afección: ocupación de 2 m2 para o apoio núm. 7/16.
Predio núm. en proxecto: 2, referencia catastral: 32020A05500957.
Lugar: Estibadas.
Cultivo: matogueira.
Titular: herdeiros de Isolina González Perea.
Afección: ocupación de 1 m2 para o apoio núm. 9/17.