A Orde da Consellería de Cultura, Educación e Universidade, do 8 de marzo de 2022, pola que se convocan os premios extraordinarios de formación profesional de grao superior da Comunidade Autónoma de Galicia correspondentes ao curso 2020/21 (Diario Oficial de Galicia núm. 55, do 21 de marzo) establece no seu artigo 11 que, para a selección, análise e valoración das solicitudes, a persoa titular da Secretaría Xeral de Educación e Formación Profesional designará un xurado de selección composto por un presidente ou unha presidenta e ata un máximo de seis vogais, coa categoría de subdirector/a xeral, xefe/a de servizo ou inspectores e inspectoras de Educación.
De conformidade co establecido no citado artigo 11 e na disposición derradeira primeira da citada Orde do 8 de marzo de 2022,
RESOLVO:
Designar os membros do xurado de selección que deberá seleccionar, analizar e valorar as solicitudes das persoas aspirantes aos premios extraordinarios de formación profesional de grao superior correspondentes ao curso 2020/21 e facer pública a súa composición, que é a que figura a seguir:
– Titulares:
Presidente: Iván Mira Fernández, subdirector xeral de Ordenación, Inspección e Avaliación do Sistema Educativo, por delegación do secretario xeral de Educación e Formación Profesional.
Vogais:
Carlos Vázquez Mariño, subdirector xeral de Formación Profesional.
Jesús Manuel Rodríguez Buján, xefe do Servizo de Programación da Formación Profesional.
Xosé Romarís Lens, xefe do Servizo de Ordenación Educativa.
– Suplentes:
Presidente: Juan Durán Alonso, subdirector xeral de Aprendizaxe Permanente e Ensinanzas de Réxime Especial.
Vogais:
José Antonio Jardón Bahía, xefe do Servizo de Xestión da Formación Profesional.
Mª Rosario Couto López, xefa do Servizo de Relación co Sistema Produtivo e Acreditación de Competencias.
Esteban Calviño Louzao, xefe do Servizo de Planificación e Coordinación da Inspección Educativa.
Esta resolución entrará en vigor o mesmo día da súa publicación no Diario Oficial de Galicia.
Santiago de Compostela, 31 de marzo de 2022
José Luis Mira Lema
Secretario xeral de Educación e Formación Profesional
