Por acordo da Xunta de Goberno Local, na súa sesión do 10 de febreiro de 2022, aprobouse inicialmente o Plan especial de reforma interior de solo industrial (solo urbano non consolidado), en Obra de Paño, Casagrande, Bergondo, redactado polos arquitectos Iria Pérez Miranda e Ignacio Lázaro Quintela a instancia de Mateos, S.L.
O instrumento de planeamento e o expediente, sométense a información publica durante o prazo de dous meses, mediante anuncio no Diario Oficial de Galicia e nun dos diarios de maior difusión da provincia, de conformidade co previsto no artigo 75.1.a) da Lei 2/2016, do solo, de Galicia.
Durante o citado prazo, contado a partir do día seguinte ao da publicación deste anuncio no Diario Oficial de Galicia, poderán formularse as alegacións que se xulguen pertinentes.
Así mesmo, o expediente poderá ser consultado, mediante ligazón na sede electrónica do Concello de Bergondo:
https://sede.bergondo.gal/opencms/es/informacion/tablon/2022/ANUNCIO_PROG_20220304130011712.html,
ou mediante a consulta nas oficinas da Área de Urbanismo deste Concello de luns a venres, das 9.00 ás 14.00 horas.
Na citada resolución, acórdase a suspensión do outorgamento de licenzas de parcelación de terreos, edificación e demolición no ámbito territorial afectado polo PERI, polo prazo máximo de dous anos contados a partir da data de aprobación inicial do presente plan especial de conformidade co artigo 47.2 da Lei 2/2016, do solo de Galicia.
Bergondo, 25 de marzo de 2022
Alejandra Pérez Máquez
Alcaldesa