Para os efectos previstos na Lei 24/2013, do 26 de decembro, do sector eléctrico e no título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa e de declaración de utilidade pública, en concreto, e a urxente ocupación que leva implícita da instalación eléctrica que se describe:

Solicitante: Eléctrica de Moscoso, S.L.

Domicilio social: avenida do Concello, 21, 36830 A Lama.

Denominación: LMTS, CT Cima de Vila.

Situación: Fornelos de Montes.

Características técnicas: liña de media tensión subterránea (LMTS) en dobre circuíto a 20 kV con condutor tipo RHZ1-2OL de 853 metros de lonxitude que alimentará, con entrada e saída, o CT proxectado e conectarase na liña de media tensión existente mediante dous pasos aerosubterráneos no apoio 4EM00920 da LMT derivación a Calvos. Centro de transformación de 100 kVA situado en caseta prefabricada de formigón monobloque tipo PFU-3 de Ormazábal ou similar. As instalacións están situadas no lugar de Cima de Vila, na parroquia de Calvos, no concello de Fornelos de Montes (Pontevedra).

A relación concreta e individualizada dos bens ou dereitos que se van expropiar figura no anexo.

Todas aquelas persoas ou entidades que se consideren afectadas poderán presentar as súas alegacións nesta xefatura territorial, avenida María Victoria Moreno, número 43, 36003 Pontevedra, no prazo máximo de trinta días, a partir da última publicación ou notificación individual.

O proxecto encóntrase á disposición do público para a súa consulta no portal da Vicepresidencia Segunda e Consellería de Economía, Empresa e Innovación
(http://ceei.xunta.gal/transparencia/documentos-sometidos-a-informacion-publica) durante o prazo de trinta días hábiles, contados a partir do día seguinte ao da publicación deste anuncio no Diario Oficial de Galicia.

Durante o dito período calquera persoa poderá achegar, por escrito, os datos oportunos para rectificar posibles erros na relación de persoas, bens e dereitos afectados, así como formular as posibles alegacións por razón do disposto no artigo 145 do Real decreto 1955/2000 anteriormente citado.

Pontevedra, 28 de decembro de 2021

Tomás Nogueiras Nieto
Xefe territorial de Pontevedra

ANEXO

Nº de expediente: IN407A 2021/241-4.

Denominación: LMTS, CT Cima de Vila.

Concello: Fornelos de Montes.

Nº	Lugar	Cultivo	Referencia catastral	Titular	CT m2	Afeccións servidume m2
1	Eido Fon	Carballeira	36019A001002030000ER	Descoñecido/a	24	14