Unha vez aprobada inicialmente mediante Acordo do Pleno Municipal, en sesión ordinaria do día 15 de marzo de 2022, a modificación puntual das normas subsidiarias de planeamento municipal no ámbito da avenida do Grupo Escolar de Maside, de conformidade co artigo 60.6 da Lei 2/2016, do 10 de febreiro, do solo de Galicia, a que remite o artigo 144.6 do Decreto 143/2016, do 22 de setembro, polo que se aproba o regulamento que a desenvolve, sométese o documento a información pública durante un prazo de dous meses, contado desde o día seguinte ao da publicación deste anuncio no Diario Oficial de Galicia.

Durante o dito prazo calquera interesado/a poderá examinalo e formular as alegacións que considere pertinentes presentándoas no Rexistro Municipal, facendo constar a referencia do anuncio. O resumo executivo, xunto co resto dos documentos integrantes do expediente tramitado, poderá consultarse no portal de transparencia da sede electrónica do concello (https://maside.sedelectronica.gal), así como nas dependencias municipais, situadas no número 1 da praza Maior de Maside, das 9.00 ás 13.00 horas.

Maside, 21 de marzo de 2022

José Manuel Iglesias Araújo
Alcalde presidente