En cumprimento do disposto na Lei 24/2013, do 26 de decembro, do sector eléctrico; na Lei 8/2009, do 22 de decembro, pola que se regula o aproveitamento eólico en Galicia e se crean o canon eólico e o Fondo de Compensación Ambiental, modificada pola Lei 5/2017, do 19 de outubro, de fomento da implantación de iniciativas empresariais en Galicia, e pola Lei 9/2021, do 25 de febreiro, de simplificación administrativa e de apoio á reactivación económica de Galicia; no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica; na Lei 21/2013, do 9 de decembro, de avaliación ambiental; e demais normas vixentes de aplicación, sométese a información pública a solicitude relacionada coa instalación que se describe a seguir:

Solicitante/promotora: Maia Directorship, S.L.

Domicilio social: rúa Emisora, nº 20, Pozuelo de Alarcón, 28224 Madrid.

Denominación do proxecto: parque eólico Neboada.

Concellos afectados: A Rúa, Vilamartín de Valdeorras, A Pobra de Trives, San Xoán de Río (Ourense), Ribas de Sil e Quiroga (Lugo).

Potencia que se vai instalar: 50 MW.

Produción neta anual estimada: 155.269 MWh/ano.

Orzamento de execución material (sen IVE): 44.769.440,86 €.

Localización (área de afección):

Vértice poligonal	Parque eólico Neboada
	ETRS89
UTM29N-X	UTM29N-Y
A	651.546	4.700.542
B	658.913	4.701.239
C	658.913	4.698.246
D	653.099	4.695.339
E	652.585	4.695.379
F	649.703	4.697.437

Localización dos aeroxeradores:

Aeroxerador	Parque eólico Neboada
	ETRS89
	UTM29N-X	UTM29N-Y
N-1	656.050	4.700.530
N-2	655.710	4.700.270
N-3	655.257	4.700.047
N-4	654.782	4.699.774
N-5	654.301	4.699.426
N-6	654.254	4.698.764
N-7	654.780	4.698.470
N-8	655.107	4.697.980

Localización da subestación:

Subestación	Parque eólico Neboada
	ETRS89
	UTM29N-X	UTM29N-Y
A	652.452	4.699.402
B	652.353	4.699.406
C	652.350	4.699.340
D	652.450	4.699.336
CENTROIDE	652.402	4.699.371

Localización da torre meteorolóxica:

Torre meteorolóxica	Parque eólico Neboada
	ETRS89
	UTM29N-X	UTM29N-Y
TM	654.543	4.700.092

As características técnicas principais das instalacións de xeración, transformación e interconexión do parque eólico son as seguintes:

• 1 aeroxerador modelo Siemens Gamesa SG 6.6-170 de 6,6 MW de potencia unitaria (aeroxerador N-1) e 7 aeroxeradores modelo Siemens Gamesa SG 6.0-170 de 6,2 MW de potencia unitaria (aeroxeradores N-2 a N-8), altura de buxa 135 m y 170 m de diámetro de rotor.

• 1 centro de transformación, instalado unitariamente no interior da góndola do aeroxerador N-1, formado por un transformador de 7.000 kVA de potencia nominal e relación de transformación 0,69/30 kV, celas de 30 kV e os correspondentes equipamentos de protección, telemando e demais elementos auxiliares.

• 7 centros de transformación, instalados unitariamente no interior das góndolas dos aeroxeradores N-2 a N-8, formados por transformadores de 6.500 kVA de potencia nominal e relación de transformación 0,69/30 kV, celas de 30 kV e os correspondentes equipamentos de protección, telemando e demais elementos auxiliares.

• Rede eléctrica soterrada a 30 kV, con condutor tipo Al HEPRZ1 18/30 kV 1×240, 400, 630K + H 16 Cu, para a evacuación da enerxía xerada e interconexión entre os centros de transformación 0,69/30 kV.

• Unha torre meteorolóxica de 135 m de altura.

• Subestación Neboada 30/220 kV con parque a nivel de 220 kV de intemperie, simple barra e os seguintes elementos: 1 posición de liña 220 kV saída á subestación Treboada; 3 posicións de transformación 30/220 kV, 50/60 MVA (ONAN/ONAF); 1 posición de barras 220 kV equipada con medida de tensión. Parque a nivel de 30 kV cos seguintes elementos: reactancia de posta á terra con seccionador e autoválvulas. Parque a nivel de 30 KV simple barra, de interior, celas en SF6 cos seguintes elementos: celas de transformador, celas de medida, celas de liñas e celas de banco de condensadores. Equipamento auxiliar para as funcións de control, mando e protección da subestación.

• Liña aérea de evacuación de 220 kV de tensión nominal e 15,2 km de lonxitude desde a subestación Neboada ata a posición de entrada na subestación Treboada.

Órgano competente: o órgano competente para autorizar o proxecto da referida instalación eléctrica é a Dirección Xeral de Planificación Enerxética e Recursos Naturais.

Procedemento de avaliación ambiental: o proxecto da referida instalación eléctrica está suxeito á avaliación de impacto ambiental ordinaria, segundo o establecido no artigo 7.1.a) da Lei 21/2013, do 9 de decembro, de avaliación ambiental.

De acordo co disposto polo artigo 33 da Lei 8/2009, do 22 de decembro, e polas demais normas de aplicación, relacionadas ao inicio desta resolución, constitúen o obxecto da información pública os seguintes documentos: proxecto de execución, estudo de impacto ambiental e proxecto de interese autonómico.

Esta documentación estará á disposición dos interesados nas dependencias da Sección de Enerxía das xefaturas territoriais da Vicepresidencia Segunda e Consellería de Economía, Empresa e Innovación de Lugo (rolda da Muralla, nº 70, 27071 Lugo, das 9.00 ás 14.00 horas, de luns a venres, con cita previa no correo electrónico enerxia.lugo@xunta.gal ou nos teléfonos 982 29 46 63/982 88 90 60) e de Ourense (rúa Curros Enríquez, 1-4º, 32071 Ourense) das 9.00 ás 14.00 horas, de luns a venres, con cita previa no correo electrónico xefaturaindustria.cei.ourense@xunta.gal ou nos teléfonos 988 68 77 50/988 38 67 13, así como nos concellos da Rúa, Vilamartín de Valdeorras, A Pobra de Trives, San Xoán de Río (Ourense), Ribas de Sil e Quiroga (Lugo), e na Dirección Xeral de Planificación Enerxética e Recursos Naturais (Edificio Administrativo San Caetano, s/n, bloque 5, 4º andar, 15781 Santiago de Compostela) das 9.00 ás 14.00 horas, de luns a venres, con cita previa no correo electrónico subdireccion.enerxia@xunta.gal ou nos teléfonos 981 54 45 79/981 54 55 73. Ademais, tamén se poderá consultar no portal web da Vicepresidencia Segunda e Consellería de Economía, Empresa e Innovación:

https://ceei.xunta.gal/transparencia/informacion-publica/en-tramitacion/instalacions-de-xeracion

O que se fai público para coñecemento xeral e para que as persoas interesadas poidan examinar a documentación técnica e presentar as obxeccións ou alegacións que consideren oportunas, no prazo de 30 días contados a partir da última publicación desta resolución.

Santiago de Compostela, 23 de marzo de 2022

Paula Uría Traba
Directora xeral de Planificación Enerxética e Recursos Naturais