O artigo 26 do Real decreto lexislativo 1/2016, do 16 de decembro, polo que se aproba o texto refundido da Lei de prevención e control integrados da contaminación (Boletín Oficial del Estado núm. 316, do 31.12.2016), regula a revisión das autorizacións ambientais integradas.
Os artigos 15 e 16 do Real decreto 815/2013, do 18 de outubro, polo que se aproba o Regulamento de emisións industriais e de desenvolvemento da Lei 16/2002, do 1 de xullo, de prevención e control integrados da contaminación (Boletín Oficial del Estado núm. 251, do 19.10.2013), regulan o procedemento de revisión das autorizacións ambientais integradas.
Para os efectos previstos no artigo 15.5.a) do Real decreto 815/2013, do 18 de outubro, sométese a información pública, durante un período de 20 días hábiles contados a partir do día seguinte ao da publicación deste anuncio no Diario Oficial de Galicia, o documento titulado:
Documento de revisión da AAI.
Fábrica de conservas de peixe da Baiuca.
A Pobra do Caramiñal (A Coruña).
Para que calquera persoa interesada poida consultalo e, de ser o caso, presentar dentro do citado prazo as alegacións, suxestións ou observacións que considere convenientes.
Os documentos estarán á disposición dos administrados nas dependencias da Dirección Xeral de Calidade Ambiental, Sostibilidade e Cambio Climático, Servizo de Prevención e Control Integrados da Contaminación, en horario de atención ao público (rúa de San Lázaro, s/n, Santiago de Compostela).
Ademais, tamén se poderá consultar na páxina web da Consellería de Medio Ambiente, Territorio e Vivenda (http://cmatv.xunta.gal/>>medio ambiente e sostibilidade>>prevención e control de actividades>>autorización ambiental integrada>>proxectos en información pública).
As alegacións, suxestións ou observacións dirixiranse ao Servizo de Prevención e Control Integrados da Contaminación.
Santiago de Compostela, 21 de febreiro de 2022
María Sagrario Pérez Castellanos
Directora xeral de Calidade Ambiental, Sostibilidade e Cambio Climático
ANEXO
Expediente: 2020-IPPC-M-44.
Núm. da autorización ambiental integrada: 2006/0379_NAA/IPPC_061.
Categoría principal da actividade: anexo I, categoría 9.1.b.i, do Real decreto lexislativo 1/2016, do 16 de decembro.
Titular: Escurís, S.L.
NIF: B15618358.
Localización da instalación: A Baiuca, 15940 A Pobra do Caramiñal (A Coruña).
Referencia catastral da parcela: 4566602NH0146N0000KX.
Actividade principal: elaboración de conservas de peixe.
Descrición: a planta de Escurís, S.L. ten por actividade principal a elaboración de conservas de peixes. As instalacións ocupan unha parcela de aproximadamente 50.000 m2 no lugar da Baiuca, no concello da Pobra do Caramiñal.
O proceso produtivo ten etapas específicas segundo o produto que se elabore pero, de forma xeral, comprende as seguintes etapas:
– Recepción e control na recepción.
– Desconxelación.
– Corte, eviscerado e lavado.
– Cocción/cocción en salmoira.
– Adición de líquido de cobertura/aditivos.
– Empaquetado (peche da apertura superior da lata).
Os envases péchanse mediante máquinas automáticas, esterilízanse en autoclave, lavado e secado, acondicionado e colocación nas latas, almacenamento e etiquetaxe dos palés e, finalmente, expedición nos peiraos de carga.
