En cumprimento do disposto no artigo 4.2 do Decreto 406/2009, do 22 de outubro, polo que se crea o Rexistro de Asociacións Profesionais de Traballadores Autónomos da Comunidade Autónoma de Galicia, faise público que no Servizo do Emprego Autónomo da Dirección Xeral de Emprego, Traballo Autónomo e Economía Social están depositados os estatutos da Asociación de Profesionais da Fotografía e a Imaxe de Galicia, da que se fan as seguintes indicacións:
Ámbito territorial: Comunidade Autónoma de Galicia.
Especialidade subxectiva e de obxectivos: representar e defender os intereses dos asociados no ámbito da fotografía e da imaxe.
Ámbito funcional: poderán ser integrantes da asociación todas aqueles profesionais autónomos cuxas actividades estean incluídas no ámbito da asociación.
Asinantes da acta de constitución: José Vicente Domínguez Varela, Marcos Rodríguez Cotelo, Pablo Verdes Núñez, Manuel Iglesias Vázquez e Víctor Manuel Martinez Campos.
Santiago de Compostela, 17 de febreiro de 2022
Covadonga Toca Carús
Directora xeral de Emprego, Traballo Autónomo
e Economía Social