De conformidade co disposto no artigo 22.3 da Lei 3/2007, do 9 de abril, de prevención e defensa contra os incendios forestais de Galicia, e dado que os titulares dos bens que se relacionan a continuación son descoñecidos ou ben non foi posible a práctica da notificación, comunícaselles ás persoas responsables a súa obriga legal de xestión da biomasa e retirada de especies arbóreas prohibidas nas parcelas que se describen, imposta polo artigo 22.1 da Lei 3/2007, do 9 de abril, de prevención e defensa contra os incendios forestais de Galicia:
Expediente |
Ref. catastral |
Titular |
371/2021 |
27056A001001040000DO |
14582671G |
373/2021 |
27056A001000040000DT |
Herdeiros de Eugenio Gil Martínez e José Gil Martínez |
Os titulares responsables dispoñen dun prazo de 15 días naturais, contados desde o día seguinte ao da publicación deste edicto no Boletín Oficial del Estado, para cumprir coas obrigas de xestión da biomasa indicadas.
Advírteselles aos responsables da execución da xestión da biomasa e retirada de especies arbóreas prohibidas de que, se non realizan as actuacións indicadas voluntariamente no prazo conferido para o efecto, o Concello procederá, logo dos trámites pertinentes, á execución subsidiaria destas e á liquidación das cantidades que correspondan polos traballos efectuados ou ao inicio do correspondente procedemento sancionador.
Ponse á disposición dos interesados o contido íntegro da notificación e o expediente completo para a súa consulta nas oficinas do Concello de Rábade, sitas na Praza do 28 de maio, s/n, de luns a venres, das 9.00 ás 14.00 horas.
Rábade, 9 de marzo de 2022
Francisco Xosé Fernández Montes
Alcalde