Na sesión que tivo lugar o día 10 de marzo de 2022, o tribunal nomeado pola Resolución do 14 de setembro de 2020 (DOG núm. 188, do 16 de setembro), encargado de cualificar o proceso selectivo para o ingreso, pola quenda de acceso libre, no corpo auxiliar da Administración xeral da Comunidade Autónoma de Galicia, subgrupo C2
ACORDOU:
Primeiro. Examinadas as reclamacións presentadas polas persoas aspirantes sobre a as listaxes de puntuacións publicadas mediante o Acordo do 10 de febreiro de 2022 (DOG núm. 34, do 18 de febreiro) e feita unha nova corrección respecto ás vinte e unha reclamacións recibidas, dúas ven modificada a súa puntuación, o que non afecta o número de aspirantes que superaron o exercicio.
Segundo. Publicar no portal web da Xunta de Galicia, funcionpublica.xunta.gal, as puntuacións obtidas polas persoas aspirantes que viron modificada a súa puntuación.
Terceiro. Declarar exentas de realizar o terceiro exercicio da fase de oposición do proceso selectivo todas as persoas aspirantes que superaron o segundo exercicio, por teren acreditado o nivel de coñecemento da lingua galega requirido neste proceso selectivo ante a Dirección Xeral da Función Pública, ao abeiro do previsto na base II.1.1.3 da orde da convocatoria.
Cuarto. Declarar finalizada a fase de oposición do proceso selectivo.
Quinto. De conformidade co disposto na base III.13, contra este acordo poderase interpoñer recurso de alzada ante o conselleiro de Facenda e Administración Pública, nos termos previstos nos artigos 121 e 122 da Lei 39/2015, do 1 de outubro, do procedemento administrativo común das administracións públicas.
Santiago de Compostela, 10 de marzo de 2022
Rubén Plaza Martínez
Presidente do tribunal