O Pleno da Deputación Provincial de Pontevedra, na sesión ordinaria que tivo lugar o día 25 de febreiro de 2022, acordou aceptar, de conformidade co previsto no artigo 7.2 do Real decreto lexislativo 2/2004, do 5 de marzo, polo que se aproba o texto refundido da Lei reguladora das facendas locais, e no artigo 106.3 da Lei 7/1985, do 2 de abril, reguladora das bases de réxime local, a delegación de competencias que realizou o Concello de Ponte Caldelas por acordo do Pleno, na sesión do 25 de novembro de 2021, para desenvolver as facultades de xestión, liquidación e recadación da taxa por instalación de postos, casetas de venda e camións-tenda situados en terreo de uso público.
A citada delegación realizaraa a Deputación Provincial de Pontevedra a través dos seus servizos tributarios.
O que se fai público para xeral coñecemento e demais efectos.
Pontevedra, 25 de febreiro de 2022
A presidenta da Deputación Provincial de Pontevedra P.D. (Resolución 2019012988, do 15.7.2019) Carlos López Font Deputado delegado de Réxime Interior, Economía, Facenda e ORAL |
Carlos Cuadrado Romay Secretario da Deputación Provincial de Pontevedra |